தேனி மாவட்டம், தேவதானபட்டி மூங்கிலனை காமாட்சியம்மன் கோயில் மாசி மகாத் திருவிழா கொடியேற்றத்துடன் ஞாயிற்றுக்கிழமை தொடங்கியது.

இந்தக் கோயிலில் மாசி மகா சிவராத்திரி திருவிழா ஆண்டுதோறும் நடைபெறுவது வழக்கம். இந்த நிலையில், ஞாயிற்றுக்கிழமை காலை 8 மணிக்கு கொடியேற்றம் நடைபெற்றது.

இதைத் தொடா்ந்து, வருகிற பிப்ரவரி 19-ஆம் தேதி வரை திருவிழா நடைபெறவுள்ளது. மேலும், பல்வேறு வாகனங்களில் சுவாமி எழுத்தருளி வீதி உலா நடைபெறும். வருகிற பிப்ரவரி 22-ஆம் தேதி மறுபள்ளயம் நடைபெறுகிறது. இதற்கான ஏற்பாடுகளை இந்து சமய அறநிலையத் துறையினா் செய்தனா்.