தினமணி செய்தி எதிரொலியாக மீனாட்சிபுரம் - ஏ.முக்குளம் சாலை சீரமைக்கப்பட்டது.

காரியாபட்டி அருகே உள்ள மீனாட்சிபுரம் முதல் ஏ.முக்குளம் செல்லும் 9 கி.மீ. சாலை கடந்த 4 மாதங்களுக்கு முன்பு பாரத் நிர்மான திட்டத்தின் மூலம் ரூ.2 கோடியே 75 லட்சம் மதிப்பீட்டில் அமைக்கப்பட்டது. 3 மாதங்களிலேயே சாலையின் ஓரங்களில் பழுது ஏற்பட்டது. சாலை போட்ட சிறிது காலங்களிலேயே பழுதடைந்தால் முஷ்டக்குறிச்சி, ஆலங்குளம், சீகனேந்தல் பகுதி மக்கள் சாலையை பழுது நீக்கம் செய்ய வேண்டும் என கோரிக்கை விடுத்து வந்தனர். இதுகுறித்து தினமணி நாளிதழில் விரிவாக செய்தி வெளியானது. தினமணி செய்தியின் எதிரொலியாக மீனாட்சிபுரம் முதல் ஏ.முக்குளம் வரை பழுதடைந்த சாலைகளை நெடுஞ்சாலைத்துறையினர் சீரமைத்தனர்.