விருதுநகர் மாவட்டம் மல்லாங்கிணறு அருகேயுள்ள புளியம்பட்டியைச் சேர்ந்தவர் ராஜகோபால். இவரது அண்ணன் மகனுக்கு வேலை வாங்கித் தருவதாகக் கூறி, நந்திக்குண்டைச் சேர்ந்த சீனிவாசன், மாரிச்சாமி ஆகியோர் ரூ.2 லட்சம் முன்பணம் வாங்கினராம். 2 ஆண்டுகளுக்கு மேல் ஆகியும், வேலை வாங்கித் தராமல் இழுத்தடித்தனராம். இதனால் பணத்தை திரும்ப கேட்ட போது, அவர்கள் பணத்தை தரமுடியாது எனக்கூறி, கொலை மிரட்டல் விடுத்ததாக ராஜகோபால் கொடுத்த புகாரின் பேரில் காரியாபட்டி போலீஸார் வழக்குப் பதிந்து விசாரித்து வருகின்றனர்.