விருதுநகர் மாவட்டம் மல்லாங்கிணறு அருகேயுள்ள வலுக்கலொட்டி கிராமத்தில் ரூ.6 லட்சம் மதிப்பில் அமைக்கப்பட்டுள்ள பேவர் பிளாக் சாலையை காரியாபட்டி ஒன்றியக்குழுத் தலைவர் முத்துலெட்சுமி, ஒன்றிய பொறியாளர்களுடன் ஆய்வு செய்தார்.

கெப்பிலிங்கம்பட்டியில் ரூ.8 லட்சம் மதிப்பீட்டில் பேவர் பிளாக் சாலை அமைக்கப்பட்டு வருவதாகவும், நாகம்பட்டியில் இருந்து பாலவநத்தம் வரை புதிய தார்சாலை அமைக்கப்பட்டு வருவதாகவும் முத்துலெட்சுமி கூறினார். கெப்பிலிங்கம்பட்டியிலிருந்து விருதுநகர் வரை ரூ.1 கோடியே 20 லட்சம் மதிப்பீட்டில் புதிய தார்சாலை மற்றும் கெப்பிலிங்கம்பட்டியில் சுமார் 40 லட்சம் மதிப்பீட்டில் புதிய திருமண மண்டபம் அமைக்கும் பணிகள் விரைவில் துவங்கப்படும் எனவும் முத்துலெட்சுமி கூறினார்.