காரியாபட்டி, மல்லாங்கிணறு பகுதி கிராமங்களில் எம்.ஜி.ஆர். பிறந்தநாள் விழா ஒன்றிய அதிமுக சார்பில் கொண்டாடப்பட்டது. ஒன்றியச் செயலர் ராமமூர்த்தி அதிமுக கொடியினை ஏற்றி வைத்து பொதுமக்களுக்கு இனிப்பு வழங்கி பேசினார்.

விவசாயப் பிரிவு செயலர் முத்துப்பாண்டி, ஒன்றியக்குழுத் தலைவர் முத்துலெட்சுமி, மாவட்ட இலக்கிய அணி செயலர் முருகன், பேரவை துணை செயலர் வாலைமுத்துசாமி உள்பட அதிமுக நிர்வாகிகள் திரளாக நிகழ்ச்சியில் கலந்து கொண்டனர்.

சோலைக்கவுண்டன்பட்டி, குரண்டி, கல்குறிச்சி, மல்லாங்கிணறு, அண்ணாநகர், பிசிண்டி, அச்சங்குளம் உள்பட பல கிராமங்களில் எம்.ஜி.ஆர். பிறந்தநாள் விழா கொண்டாடப்பட்டது. நிகழ்ச்சிக்கான ஏற்பாடுகளை கிளை நிர்வாகிகள் செய்திருந்தனர்.