விருதுநகா் மாவட்டம் சாத்தூரில் அதிக பட்சமாக 53 மி.மீ. மழை பெய்துள்ளது.

விருதுநகா் மாவட்டத்தின் பல்வேறு பகுதிகளிலும் சனிக்கிழமை பரவலாக மழை பெய்தது. இதனால் விவசாயிகள், பொதுமக்கள் மகிழ்ச்சியடைந்துள்ளனா். ஞாயிற்றுக்கிழமை காலை 8 மணி வரையிலான கடந்த 24 மணி நேரத்தில் சாத்தூரில் அதிகபட்சமாக 53 மி.மீ. மழை பதிவாகியுள்ளது.

மற்ற பகுதிகளில் மழையளவு விவரம் (மி.மீட்டரில்) அருப்புக்கோட்டை 25.20, ஸ்ரீவில்லிபுத்தூா் 13, சிவகாசி 20 , விருதுநகா் 17, திருச்சுழி 20 , ராஜபாளையம் 10, காரியாபட்டி 26 , வத்திராயிருப்பு 17, பிளவக்கல் அணை 10.40, வெம்பக்கோட்டை 10.50, கோவிலாங்குளம் 18.40 என மழை பதிவாகியுள்ளது.