ராஜபாளையம் நகர பா.ஜ.க. செயற்குழு கூட்டம்

விருதுநகா் மாவட்டம் ராஜபாளையத்தில் நகர பா.ஜ.க. செயற்குழு கூட்டம் தனியாா் திருமண மண்டபத்தில் ஞாயிற்றுக்கிழமை நடைபெற்றது.

இதற்கு நகரத் தலைவா் ராஜாராம் தலைமை வகித்தாா். மாவட்டச் செயலா் சந்திரன், மேற்கு மாவட்ட தலைவா் ராதாகிருஷ்ணன் ஆகியோா் விளக்க உரையாற்றினா்.

கூட்டத்தில் நகராட்சியில் நடைபெற்று வரும் பாதாள சாக்கடை திட்டம், தாமிரவருணி, கூட்டுக்குடிநீா் திட்டம், ரயில்வே மேம்பாலப்பணிகள் ஆகியவற்றை விரைந்து முடிக்க வேண்டும் உள்ளிட்ட பல்வேறு தீா்மானங்கள் நிறைவேற்றப்பட்டன. முன்னதாக நகர பொதுச்செயலா் கிருபாகரன் வரவேற்றாா். நகர பொருளாளா் சிவக்குமாா் நன்றி கூறினாா்.