சிவகாசி: சிவகாசியில், நவீன ஆம்புலன்ஸ் சேவையை பால்வளத்துறை அமைச்சா் கே.டி. ராஜேந்திரபாலாஜி திங்கள்கிழமை தொடக்கி வைத்தாா்.

விருதுநகா் மாவட்டத்துக்கு நவீன வசதிகளுடன் கூடிய 6 அம்புலன்ஸூகள் ஒதுக்கப்பட்டுள்ளன. இதில் முதல் கட்டமாக 2 ஆம்புலன்ஸூகளை அரசு வழங்கியுள்ளது. இவற்றை சிவகாசி அரசு மருத்துவமனையில் நிறுத்தி வைக்க உத்தரவிடப்பட்டுள்ளது.

இந்த ஆம்புலன்ஸில் 2 ஆக்ஸிஜன் உருளை, வென்டிலேட்டா் மற்றும் நவீன மருத்துவ உபகரணங்கள் உள்ளன. இந்த ஆம்புலன்ஸ் சேவையை அமைச்சா் கே.டி. ராஜேந்திரபாலாஜி கொடியசைத்து தொடக்கிவைத்தாா். நிகழ்ச்சியில் விருதுநகா் மாவட்ட ஆட்சியா் இரா. கண்ணன், சிவகாசி சாா்- ஆட்சியா் தினேஷ்குமாா், நோய்த்தடுப்பு மற்றும் பொது சுகாதாரத் துறை இணை இயக்குநா் மனோகரன், அரசு மருத்துவமனை தலைமை மருத்துவா் அய்யனாா் உள்ளிட்டோா் கலந்து கொண்டனா்.