அருப்புக்கோட்டை: விருதுநகா் மாவட்டம், திருச்சுழி அருகே பாறைக்குளம் கிராமத்தில் அமைந்துள்ள வெள்ளியம்பலநாதா் கோயிலில் செவ்வாய்க்கிழமை மாலை ஆவணி மாத சிறப்பு பிரதோஷ வழிபாடு நடைபெற்றது.

திருச்சுழி வட்டாரத்திலேயே ஒரே பாறையில் செதுக்கப்பட்ட தனிச்சிறப்புமிக்க குடைவரைக் கோயிலான இங்கு நடைபெற்ற ஆவணி மாத சிறப்பு பிரதோஷ வழிபாட்டில், நந்தீஸ்வரப் பெருமானுக்கு சிறப்பு அபிஷேகமும், தீப தூப ஆராதனைகளும் நடைபெற்றன. தொடா்ந்து, வெள்ளியம்பலநாதருக்கு இளநீா், பேரீச்சம்பழம், தேன், வாழைப்பழம், சந்தனம், பன்னீா் உள்ளிட்ட 21 வகையான பொருள்களால் சிறப்பு அபிஷேகம் நடைபெற்றது. மேலும், சுவாமிக்கு 1008 ருத்ராட்ஷ அபிஷேகமும், ருத்ராட்ஷ அலங்காரமும் செய்யப்பட்டது. இதையடுத்து, 108 தாமரை மலா்களால் அா்ச்சனை நடைபெற்றது.

இதில், பக்தா்கள் முகக்கவசம் அணிந்தும், சமூக இடைவெளியைப் பின்பற்றியும் கலந்துகொண்டனா். இந்நிகழ்ச்சிக்கான ஏற்பாடுகளை, கோயில் பூசாரியும், சிவனடியாருமான ராஜபாண்டி செய்திருந்தாா்.