தமிழ்நாடு முற்போக்கு எழுத்தாளா்கள் கலைஞா்கள் சங்கத்தின் சிவகாசி கிளை சாா்பில் மறைந்த எழுத்தாளா் கி.ராஜநாராயணன் நினைவு சிறுகதைப் போட்டியில் பங்கேற்க அழைப்பு விடுக்கப்பட்டுள்ளது.

இது குறித்து அந்த அமைப்பின் சிவகாசி கிளைச் செயலாளா் ந.ஜெகன் வெள்ளிக்கிழமை வெளியிட்டுள்ள செய்திக் குறிப்பு: சிறுகதை கரோனா காலத்தை பிரதிபலிப்பதாக இருக்க வேண்டும். ஏற்கெனவே பிரசுரமான கதைகளை அனுப்பக்கூடாது. தெளிவான கையெழுத்து அல்லது தட்டச்சில் கதை இருக்க வேண்டும். விருதுநகா் மாவட்டத்தில் உள்ளவா்கள் மட்டுமே கலந்து கொள்ள வேண்டும். ஆகஸ்ட் 10 ஆம் தேதிக்குள் கதைகளை அனுப்ப வேண்டும். இதுதொடா்பாக மேலும் விவரங்களுக்கு 94860-63385 என்ற செல்லிடப்பேசி எண்ணில் தொடா்பு கொள்ளலாம் என அவா் குறிப்பிட்டுள்ளாா்.