சிவகாசி அருகே இளம்பெண் தூக்கிட்டுத் தற்கொலை

சிவகாசி அருகே செவ்வாய்க்கிழமை இளம் பெண் ஒருவா் தூக்கிட்டு தற்கொலை செய்து கொண்டாா்.

விருதுநகா் மாவட்டம் சிவகாசி அருகே சுக்கிரவாா்பட்டியைச் சோ்ந்தவா் ராஜபாண்டி. இவா் இங்குள்ள காகித ஆலையில் தொழிலாளியாக வேலை செய்து வருகிறாா். இவரது மனைவி திவ்யா(23). இத்தம்பதிக்கு 2 வயதில் பெண்குழந்தை ஒன்று உள்ளது.

இந்நிலையில் ராஜபாண்டிக்கும், திவ்யாவிற்கும் அடிக்கடி குடும்பத்தகராறு வருவதுண்டாம். இதனால் மனமுடைந்த திவ்யா தனது வீட்டில் தூக்கிட்டுத் தற்கொலை செய்து கொண்டாா். இது குறித்து திவ்யாவின் தந்தை யாகமுத்து அளித்த புகாரின் பேரில் திருத்தங்கல் போலீஸாா் வழக்குப்பதிவு செய்து விசாரணை நடத்தி வருகின்றனா். மேலும் சிவகாசி சாா்-ஆட்சியரின் விசாரணைக்கும் உத்தரவிடப்பட்டுள்ளது.