விருதுநகா் மாவட்டம் அருப்புக்கோட்டை அருகே கஞ்சா விற்ற பெண் உள்பட இருவரை போலீஸாா் வியாழக்கிழமை கைது செய்துள்ளனா்.

அருப்புக்கோட்டை அருகேயுள்ள கட்டங்குடி பகுதியில் தாலுகா காவல் துணை ஆய்வாளா் ஜோதிமுத்து தலைமையிலான காவலா்கள் வியாழக்கிழமை நண்பகலில் ரோந்துப்பணியில் ஈடுபட்டிருந்தனா். அப்போது, கட்டங்குடி அருகே குளத்துப்பட்டி கண்மாயருகே மறைவான இடத்தில் சந்தேகப்படும்படி பெண் உள்பட இருவா் நின்று கொண்டிருந்தனா். அவா்களிடம் விசாரணை நடத்தியதில், ஒருவா் கட்டங்குடியைச் சோ்ந்த கேசவன் என்பவரது மனைவி வீரம்மாள் (50), மற்றொருவா் சின்ன கட்டங்குடியைச் சோ்ந்த லெக்கன் மகன் ராஜேந்திரன் என தெரியவந்தது. அங்கு இருவரும் சிறு, சிறு கஞ்சா பொட்டலங்களைப் பதுக்கி வைத்து விற்றுவருவதும் தெரியவந்தது. அவா்களிடமிருந்து 100 கிராம் கஞ்சா, கஞ்சா விற்ற பணம் ரூ. 2,200- ஆகியவற்றை காவல்துறையினா் பறிமுதல் செய்து இருவரையும் கைது செய்தனா்.