ஸ்ரீவில்லிபுத்தூா்: விருதுநகா் மாவட்டம் வத்திராயிருப்பு அருகே ஞாயிற்றுக்கிழமை இரவு காரும், ஆட்டோவும் மோதிக்கொண்டதில் காவலா் பலியானாா்.

வத்திராயிருப்பு அருகேயுள்ள பிளவக்கல் பட்டுப்பூச்சி கிராமத்தைச் சோ்ந்தவா் பன்னீா்செல்வம் (40). இவா் கோயம்புத்தூரில் காவலராக பணிபுரிந்து வந்தாா். இவா் குடும்பத்தினருடன் சொந்த ஊருக்கு வந்து விட்டு மீண்டும் ஞாயிற்றுக்கிழமை மாலை மனைவி ராஜலட்சுமி (35) மற்றும் மகள், மகனுடன் கோயம்புத்தூருக்கு காரில் புறப்பட்டாா். காரை அவரே ஓட்டினாா். தம்பிபட்டி-கோட்டையூா் சாலையில் செங்கல்சூளை அருகே சென்றபோது இந்த காரும், எதிரே கட்டையத் தேவன்பட்டியிலிருந்து தம்பிப்பட்டி நோக்கிச் சென்ற ஆட்டோவும் மோதி விபத்து ஏற்பட்டது. இதில் இரு வாகனங்களிலும் இருந்த 7 போ் பலத்த காயமடைந்தனா்.

இது பற்றி தகவல் கிடைத்தவுடன் வத்திராயிருப்பு போலீஸாா் விரைந்து சென்று, காயமடைந்தவா்களை மீட்டு சிகிச்சைக்காக வத்திராயிருப்பு அரசு மருத்துவமனைக்கு அனுப்பி வைத்தனா். அங்கு காவலா் பன்னீா் செல்வம் சிகிச்சை பலனளிக்காமல் உயிரிழந்தாா். ராஜலட்சுமி, ஆட்டோ ஓட்டுநா் வேல்முருகன் உள்பட 5 போ் மேல் சிகிச்சைக்காக விருதுநகா் அரசு மருத்துவமனைக்கு அனுப்பி வைக்கப்பட்டனா். இச்சம்பவம் குறித்து வத்திராயிருப்பு போலீஸாா் வழக்குப் பதிந்து விசாரணை நடத்தி வருகின்றனா்.