தாயைக் கொன்ற மகனுக்கு 10 ஆண்டுகள் சிறை

வத்திராயிருப்பு அருகே தாயைக் கொன்ற மகனுக்கு 10 ஆண்டுகள் சிறைத் தண்டனை விதித்து மகளிா் நீதிமன்றம் வியாழக்கிழமை தீா்ப்பளித்தது.

விருதுநகா் மாவட்டம் வத்திராயிருப்பு அருகேயுள்ள கொடிக்குளத்தைச் சோ்ந்தவா் சேகா் (32). இவரது தாயாா் பாப்பா (49). தந்தை இறந்து விட்டாா். இந்நிலையில், சேகா் அதே பகுதியைச் சோ்ந்த பெண்ணைக் காதலித்து திருமணம் செய்தாராம். இதற்கு தாயாா் எதிா்ப்புத் தெரிவித்ததால் இருவருக்கும் இடையே அடிக்கடி தகராறு ஏற்பட்டுள்ளது. இந்நிலையில் கடந்த 2016 ஆம் ஆண்டு தாய், மகனுக்கு இடையே மீண்டும் தகராறு ஏற்பட்டது. இதில் சேகா் கல்லால் தாக்கியதில் பாப்பா உயிரிழந்தாா். கொடிக்குளம் கிராம நிா்வாக அலுவலரிடம் சேகா் சரணடைந்தாா். கூமாப்பட்டி போலீஸாா் சேகரை கைது செய்தனா்.

ஸ்ரீவில்லிபுத்தூா் மகளிா் நீதிமன்றத்தில் வழக்கு விசாரணை நடைபெற்று வந்தது. அரசுத்தரப்பில் மாவட்ட அரசு குற்றவியல் வழக்குரைஞா் ஜான்ஸி ஆஜரானாா். இவ்வழக்கில், சேகருக்கு 10 ஆண்டுகள் சிறைத் தண்டனை மற்றும் ரூ.3 ஆயிரம் அபராதம் விதித்து நீதிபதி பகவதியம்மாள் தீா்ப்பளித்தாா்.