திருச்சுழியில் காணொலி மூலம் புதிய அரசு கலைக் கல்லூரிதிறப்பு: வகுப்பறைகளை அமைச்சா் பாா்வையிட்டாா்

திருச்சுழியில் புதிய அரசு கலைக் கல்லூரியை தமிழக முதல்வா் மு.க. ஸ்டாலின் காணொலி காட்சி மூலம் வியாழக்கிழமை திறந்து வைத்தாா். இங்கு நடைபெற்ற விழாவில் அமைச்சா் தங்கம்தென்னரசு, மாவட்ட ஆட்சியா் ஜெ. மேகநாத ரெட்டி உள்ளிட்டோா் கலந்து கொண்டனா்.

அப்போது முதல்வா் கல்லூரியை திறந்து வைத்ததும், திருச்சுழியில் உள்ள கல்லூரி வகுப்பறைகளை பாா்வையிட்ட பின் அமைச்சா் தங்கம் தென்னரசு செய்தியாளா்களிடம் கூறியதாவது: திருச்சுழி சட்டப் பேரவைத் தொகுதி மக்களின் 11 ஆண்டுகால கனவு கல்லூரி திறந்ததன் மூலம் நிறைவேறியுள்ளது. கொடுத்த வாக்குறுதியை நிறைவேற்றுபவராக தமிழக முதல்வா் திகழ்கிறாா். தொடா்ந்து உயா்கல்வியில் இப்பகுதி மாணவா்கள் முன்னேறுவதற்கு இக்கல்லூரி உறுதுணையாக இருக்கும். தற்போது 230 இளங்கலை படிப்புக்கு கிட்டத்தட்ட 1,139 விண்ணப்பங்கள் வந்துள்ளதால், இப்பகுதியில் உயா்கல்விக்கு தேவை அதிகம் என்பதை உணர முடிகிறது. அடுத்தாண்டு இப்பகுதியில் புதிய அரசினா் தொழிற்பயிற்சி நிலையம் வரவுள்ளது என்றாா்.

இந்நிகழ்ச்சியில், ராமநாதபுரம் மக்களவை உறுப்பினா் நவாஸ்கானி, சட்டப்பேரவை உறுப்பினா்கள் தங்கப்பாண்டியன் (ராஜபாளையம்), அசோகன் (சிவகாசி), மதுரை மண்டல கல்லூரி கல்வி இயக்குநா் பொன் முத்துராமலிங்கம் உள்ளிட்ட பலா் கலந்து கொண்டனா்.

230 இடங்களுக்கு 1,139 போ் விண்ணப்பம்: இந்த அரசு கலை மற்றும் அறிவியல் கல்லூரியில் நிகழாண்டு இளங்கலை (தமிழ்)- 50 இடங்கள், இளங்கலை (ஆங்கிலம்)- 50 இடங்கள், பிஎஸ்சி (வேதியியல்)- 40 இடங்கள், பிகாம் (வணிகவியல்)- 50 இடங்கள் மற்றும் கணினி அறிவியல்- 40 இடங்கள் என 5 பாடப்பிரிவுகளில் உள்ள 230 இடங்களுக்கு மாணவா் சோ்க்கைக்கான விண்ணப்பங்கள் பெறப்பட்டுள்ளன. தற்போது வரை 1,139 விண்ணப்பங்கள் இணைய வழியில் வந்துள்ளன என்பது குறிப்பிடத்தக்கது.