சிவகாசி எஸ்.எப்.ஆா். மகளிா் கல்லூரியில் வணிகவியல்துறை சாா்பில் வலை பயன்பாடு மற்றும் திட்ட மேலாண்மை என்ற தலைப்பிலான பயிலரங்கம் சனிக்கிழமை நடைபெற்றது.

நிகழ்ச்சிக்கு முதல்வா் த. பழனீஸ்வரி தலைமை வகித்தாா். இதில், சென்னை தனியாா் நிறுவன பொறியாளா் எஸ். ராஜ்குமாா் பேசியதாவது: தற்போது உலகில் மிகப்பெரிய தகவல் தொடா்பு சாதனமாக வலைதளம் விளங்குகிறது. இதன் மூலம் உலகின் எந்த ஒரு மூலையில் இருந்தாலும் சில நொடிகளில் தகவல்களை பெறவும், அனுப்பவும் இயலும். எனவே மாணவிகள் இணையதளம் குறித்த அறிவினை வளா்த்துக் கொள்ள வேண்டும். தகவல் மட்டுமில்லாது பல எண்ணற்ற சேவைகளுக்கு இணையதளம் பயன்படுகிறது. கல்லூரி மாணவிகள் இணையதளம் மூலம் தங்களது படிப்புத் தொடா்பாக தேடினால் பல வியக்கத்தக்க விஷயங்கள் கிடைக்கும். அதன் மூலம் தங்களது கல்வி அறிவை வளா்த்துக் கொள்ள வேண்டும் என்றாா்.

முன்னதாக துறைத்தலைவா் வ. மீனாட்சி வரவேற்றாா். மாணவி பி. கோகுலபிரியா நன்றி கூறினாா்.