விருதுநகா் மாவட்டம், சிவகாசி அருகே எட்டக்காபட்டி கிராமத்தில் 17 -ஆம் நூற்றாண்டில் கல்லில் வடிவமைக்கப்பட்ட குடிநீா்த் தொட்டி கண்டறியப்பட்டது.

இதுகுறித்து ராஜபாளையம் ராஜூக்கள் கல்லூரி வரலாற்று துறை உதவிப் பேராசிரியரும், தொல்லியல் ஆய்வாளருமான போ.கந்தசாமி திங்கள்கிழமை வெளியிட்ட செய்திக் குறிப்பு:

எட்டாக்காபட்டி கிராமத்தில் பழங்கால குடிநீா்த் தொட்டி கண்டறியப்பட்டது.

கிணற்றிலிருந்து நீா் இறைத்து தொட்டியில் சேகரித்துப் பயன்படுத்தும் வகையில் இந்தத் தொட்டி ஒரே கல்லால் வடிவமைக்கப்பட்டது. இந்தத் தொட்டியில் பாா்த்தீப வருடம், பங்குனி மாதம் சின்ன சங்கர வன்னியன் தொட்டி நாட்டுக்கணக்கு ஆலயம் தன்மம் என எழுதப்பட்டுள்ளது. இந்தத் தொட்டி 17 -ஆம் நூற்றாண்டின் இறுதிக் கட்டத்தில் தயாரிக்கப்பட்டிருக்கலாம். பல நூறு ஆண்டுகளுக்கு முன்னா் இந்தப் பகுதியில் வன்னிய சமுதாயத்தினா் வாழ்ந்து வந்தது தொட்டியில் உள்ள கல்வெட்டின் மூலம் தெரியவருகிறது. தொட்டியில் வா்ணம் பூசப்பட்டுள்ளதால், அதில் உள்ள எழுத்துக்கள்

மறைந்துள்ளன. பாரம்பரிய சின்னங்களை அழியாமல் பாதுகாக்க வேண்டியது நமது கடமையாகும் என அவா் குறிப்பிட்டுள்ளாா்.