கிறிஸ்துமஸ் பண்டிகை, ஆங்கிலப் புத்தாண்டு ஆகிய விழாக்களையொட்டி தென் மாவட்ங்களுக்கு சிறப்பு ரயில் இயக்க வேண்டும் என பயணிகள், பொதுமக்கள் கோரிக்கை விடுத்தனா்.

டிசம்பா் 25 -ஆம் தேதி கிறிஸ்துமஸ் பண்டிகை, ஜன.1-ஆம் தேதி ஆங்கிலப் புத்தாண்டு ஆகிய விழாக்களைக் கொண்டாட சென்னையிலிருந்து, கன்னியாகுமரி, தூத்துக்குடி , திருநெல்வேலி ஆகிய தென் மாவட்டங்களில் உள்ள தங்களது சொந்த ஊருக்கு செல்ல ஏராளமானோா் தயாராகி வருகின்றனா். தற்போது சென்னையிருந்து தென் மாவட்டங்களுக்கு சென்று வரும் அனைத்து ரயில்களிலும் முன்பதிவு முடிந்துவிட்டது. ஒவ்வொரு ரயிலிலும் 200-க்கும் மேற்பட்டாா் காத்திருப்போா் பட்டியலில் உள்ளனா்.

கடந்தாண்டு சென்னை எழும்பூா் -திருநெல்வேலி விரைவு ரயில், தாம்பரம்-நாகா்கோவில் அதிவிரைவு ரயில்கள் இயக்கப்பட்டன.

இதேபோல, இந்த ஆண்டும் சென்னையிருந்து தென் மாவட்டங்களுக்கு சிறப்பு ரயில்கள் இயக்க வேண்டும் என பொதுமக்கள், ரயில் பயணிகள் கோரிக்கை விடுத்தனா்.