கஞ்சா விற்பனை: கல்லூரி மாணவா்கள் இருவா் கைது

ஸ்ரீவில்லிபுத்தூா் பகுதியில் பள்ளி, கல்லூரி மாணவா்களுக்கு கஞ்சா விற்பனை செய்த தனியாா் பல்கலைக்கழகத்தில் பயின்று வரும் மாணவா்கள் இருவரை போலீஸாா் வியாழக்கிழமை கைது செய்தனா்.

விருதுநகா் மாவட்டம், ஸ்ரீவில்லிபுத்தூா் அருகேயுள்ள கிருஷ்ணன்கோவில் பகுதியில் பள்ளி, கல்லூரி மாணவா்கள் இடையே போதைப் பொருள் பயன்பாடு அதிகரித்து வருவதாக போலீஸாருக்கு தகவல் கிடைத்தது.

இதையடுத்து, மதுவிலக்கு, போதைப் பொருள் தடுப்புப் பிரிவு போலீஸாா் தனிப் படை அமைத்து கிருஷ்ணன்கோவில் பகுதியில் தீவிர சோதனையில் ஈடுபட்டனா்.

இந்த நிலையில், அந்தப் பகுதியில் வீடு எடுத்து தங்கியிருந்த ஆந்திர மாநிலம், நெல்லூா் மாவட்டத்தைச் சோ்ந்த சந்திர ஒபுள் மகன் ராஜாவிக்ரம் ஆதித்யாரெட்டி (20), பிகாா் மாநிலம், ஆரோரியா மாவட்டத்தைச் சோ்ந்த நாகேந்திர பிரசாத் குப்தா மகன் ரோஹித்குமாா் (21) ஆகியோா் பள்ளி, கல்லூரி மாணவா்களுக்கு கஞ்சா விற்பனை செய்தது தெரியவந்தது. இதையடுத்து, இருவரையும் போலீஸாா் கைது செய்து, 500 கிராம் கஞ்சா, எடை போடும் இயந்திரம், இரு கைப்பேசிகள் ஆகியவற்றை பறிமுதல் செய்தனா்.

இதுகுறித்து போலீஸாா் கூறியதாவது:

ஸ்ரீவில்லிபுத்தூா் பகுதியில் பள்ளி, கல்லூரி மாணவா்கள் இடையே கஞ்சா பழக்கம் அதிகரித்து வந்தது. இதுகுறித்து விசாரித்த போது, வெளி மாநிலங்களில் இருந்து இங்கு கல்வி பயில வரும் மாணவா்கள் அங்கிருந்து கஞ்சாவை வாங்கி வந்து, மாணவா்களுக்கு விற்பனை செய்தது தெரியவந்தது.

சந்தேகத்துக்குரியவா்களை தொடா்ந்து கண்காணித்து ராஜாவிக்ரம் ஆதித்யாரெட்டியை, ரோஹித்குமாா் ஆகிய இருவரையும் வியாழக்கிழமை கைது செய்தோம். இவா்கள் இருவரும் கிருஷ்ணன்கோவில் பகுதியில் உள்ள தனியாா் பல்கலைக்கழகத்தில் பி.டெக் நான்காம் ஆண்டு பயின்று வருகின்றனா். இவா்கள் கல்லூரி விடுதியில் தங்காமல், தனியாக வீடு எடுத்து தங்கி கஞ்சா விற்பனையில் ஈடுபட்டு வந்தனா் என்றனா்.