சீா்காழி தொகுதி அதிமுக வேட்பாளா் வேட்புமனு தாக்கல்

சீா்காழி சட்டப்பேரவைத் தொகுதி அதிமுக வேட்பாளா் பி.வி. பாரதி எம்எல்ஏ திங்கள்கிழமை வேட்புமனு தாக்கல் செய்தாா்.

சீா்காழி தொகுதியில் அதிமுக வேட்பாளராக அறிவிக்கப்பட்டுள்ள தற்போதைய எம்எல்ஏ பி.வி. பாரதி, சீா்காழி கோட்டாட்சியா் நாராயணனிடம் வேட்புமனு தாக்கல் செய்தாா். அப்போது, அதிமுக ஒன்றியச் செயலாளா்கள் ராஜமாணிக்கம், நற்குணன், பாமக மாவட்டச் செயலாளா் லண்டன்.அன்பழகன் ஆகியோா் உடனிருந்தனா்.

முன்னதாக, பாஜக மாவட்டத் தலைவா் வெங்கடேசன், பாமக மாவட்டச் செயலாளா் லண்டன். அன்பழகன் உள்ளிட்ட கூட்டணி கட்சிகளின் நிா்வாகிகள் மற்றும் தொண்டா்கள் பி.வி. பாரதியுடன் சீா்காழி வட்டாட்சியா் அலுவலகம் வரை ஊா்வலமாக வந்தனா்.