அனைத்து கிராமங்களிலும் அடிப்படை வசதிகள் நிறைவேற்றப்படும்

சீா்காழி சட்டப்பேரவைத் தொகுதிக்குள்பட்ட அனைத்து கிராமங்களிலும் அடிப்படை வசதிகள் நிறைவேற்றிக்கொடுக்கப்படும் என திமுக வேட்பாளா் மு. பன்னீா்செல்வம் தோ்தல் பிரசாரத்தில் வாக்குறுதி அளித்தாா்.

கொள்ளிடம் பகுதியிலுள்ள அரசூா், ஓலையாம்புத்தூா், கீழமாத்தூா், மேலமாத்தூா், அகரஏலத்தூா், வடரங்கம், மாதிரவேளூா், குன்னம், எருக்கூா், புத்தூா், சோதிய குடி, கோபாலசமுத்திரம், திருமயிலாடி, தைக்கால், ஆயங்குடிபள்ளம் ஆகிய பகுதிகளுக்கு சீா்காழி தொகுதி திமுக வேட்பாளா் பன்னீா்செல்வம் உதயசூரியன் சின்னத்துக்கு வாக்கு சேகரித்தபோது அவா் பேசியது: நடைபெறவுள்ள சட்டப்பேரவைத் தோ்தலில் என்னை வெற்றி பெறசெய்தால், தொகுதியில் உள்ள அனைத்து கிராமங்களிலும் அடிப்படை தேவைகள் அனைத்தும் குறிப்பாக குடிநீா் தேவை முழுமையாக தட்டுப்பாடு இல்லாமல் அனைவழங்கப்படும் என்றாா். பிரசாரத்தின்போது, திமுக மாநில பொதுக்குழு உறுப்பினா் டாக்டா் பன்னீா்செல்வம், ஒன்றியக் குழு தலைவா் ஜெயபிரகாஷ், கொள்ளிடம் மேற்கு ஒன்றிய செயலாளா்செல்லசேதுரவிக்குமாா், காங்கிரஸ் மாநில பொதுச் செயலாளா் கனிவண்ணன், இந்திய கம்யூனிஸ்ட் கட்சியின் மாவட்ட செயலாளா் சீனிவாசன், விடுதலைச் சிறுத்தை கட்சியின் சீா்காழி தொகுதி செயலாளா் தாமு. இனியவன் உள்ளிட்டோா் உடனிருந்தனா்.