விஜய் மக்கள் இயக்கம் அதிமுகவுக்கு ஆதரவு

சீா்காழியில், விஜய் மக்கள் இயக்கத்தினா் அதிமுக வேட்பாளா் பிவி. பாரதிக்கு ஆதரவு தெரிவித்தனா்.

சீா்காழி தொகுதி, திட்டை, தில்லைவிடங்கன், செம்மங்குடி உள்ளிட்ட பகுதிகளில் அதிமுக வேட்பாளா் பிவி. பாரதி வாக்குகள் கேட்டு திங்கள்கிழமை பிரசாரம் செய்தாா். செம்மங்குடி பகுதியில் அவா் பிரசாரம் மேற்கொண்டபோது, விஜய் மக்கள் இயக்கத்தினா் சீா்காழி நகரத் தலைவா் ராகுல், செயலாளா் வெற்றிச்செல்வன் தலைமையில், மாவட்ட இளைஞரணி துணைத் தலைவா் ராஜா, ஒன்றியத் தலைவா்கள் கமல், ரவி உள்ளிட்ட சுமாா் 50 போ் சந்தித்து அதிமுகவிற்கு ஆதரவு தெரிவித்தனா். சீா்காழி பகுதியில் உள்ள விஜய் ரசிகா்களின் வாக்குகளைப் பெற்றுத்தருவதாகவும் அவா்கள் தெரிவித்தனா்.

இதுகுறித்து விஜய் மக்கள் இயக்கத்தின் சீா்காழி நகரத் தலைவா் ராகுல் கூறுகையில், சென்னை தலைமை விஜய் மக்கள் இயக்கத்தின் சாா்பில், அண்மையில் அனைத்து மாவட்ட நிா்வாகிகள், பொறுப்பாளா்களை அழைத்து, உங்கள் பகுதியில் எந்த வேட்பாளருக்கு ஆதரவு தெரிவிக்கவேண்டும் என நினைக்கிறீா்களோ, அவா்களுக்கு உங்கள் சுய விருப்பப்படி ஆதரவு தெரிவிக்கலாம். ஆனால், விஜய் மக்கள் இயக்க கொடி, படங்களை பயன்படுத்தக் கூடாது என தெரிவித்துள்ளனா். சீா்காழி தொகுதியில் நாங்கள் அதிமுக வேட்பாளருக்கு ஆதரவு தெரிவித்துள்ளோம் என்றாா்.

அப்போது, மாவட்ட துணைச் செயலாளா் வா. செல்லையன், முன்னாள் எம்எல்ஏ ம. சக்தி, ஒன்றியச் செயலாளா்கள் ராஜமாணிக்கம், சந்திரசேகரன், மாவட்ட தகவல் தொழில்நுட்பப் பிரிவு துணைத் தலைவா் சத்தியமூா்த்தி, மாவட்டச் செயலாளா் நாடி. செல்வமுத்துக்குமரன் ஆகியோா் உடனிருந்தனா்.