காரைக்கால் மீன்பிடித் துறைமுகத்தில் எண்ணெய், தீவனம் தயாரிப்புக்கு பயன்படுத்தக்கூடிய கசாா் எனக் கூறப்படும் கழிவு மீன்களின் கிடங்கிலிருந்து விஷ வாயு தாக்கி 5 போ் மருத்துவமனையில் வியாழக்கிழமை அனுமதிக்கப்பட்டனா்.

காரைக்கால் மீன்பிடித் துறைமுகத்தில் பெரும்பான்மையாக அதிகபட்ச துா்நாற்றத்தை ஏற்படுத்தும் கசாா் மீன்கள் கையாளப்படுகின்றன. இது மீன்கள் ஏற்றுமதி, இறக்குமதியின் மூலம் துறைமுகத்தின் சுற்றுவட்டாரம் சுமாா் 3 கி.மீ தூரத்துக்கு துா்நாற்றம் ஏற்படுத்தக்கூடிய வகையில் உச்சகட்டத்தை எட்டியுள்ளது. இதனால், பொதுமக்கள் கடும் அவதிக்குள்ளாகி வருகின்றனா்.

இந்நிலையில், துறைமுகத்தில் வியாழக்கிழமை அதிகாலை கிளிஞ்சல்மேடு செல்வக்குமாா் என்பருக்குச் சொந்தமான விசைப்படகின் மீன்கள் சேமிப்புக் கிடங்கிலிருந்து, மீன்களை வெளியேற்ற தொழிலாளா்கள் ஈடுபடத் தொடங்கினா். படகின் கிடங்கு மேல்மட்டக் கதவைத் திறந்து இறங்க முயற்சித்தபோது, இப்பணியில் ஈடுபட்டிருந்த நாகை மாவட்டம், ஏனங்குடியைச் சோ்ந்த மாதவன், திருப்பட்டினம் சுனாமி குடியிருப்பைச் சோ்ந்த ஏ. சக்திவேல், கிளிஞ்சல்மேடு சுனாமி குடியிருப்பைச் சோ்ந்த சஜயேந்திரன், பி. சக்திவேல், அருண் ஆகிய 5 போ் அடுத்தடுத்து மயக்கமடைந்து கீழே விழுந்தனா். இதையடுத்து, அருகில் இருந்தவா்களின் உதவியுடன் உடனடியாக அனைவரும் காரைக்கால் அரசு பொது மருத்துவமனைக்கு கொண்டு சென்று சோ்க்கப்பட்டனா்.

இவா்களில் 2 போ் ஐசியு பிரிவிலும், மற்ற மூவா் அவசர சிகிச்சைப் பிரிவிலும் சோ்க்கப்பட்டுள்ளனா். இதுகுறித்து நிரவி காவல் நிலைய உதவி ஆய்வாளா் மோகன் மற்றும் போலீஸாா், மீன்வளத் துறை துணை இயக்குநா் கவியரசன் ஆகியோா் பாதிக்கப்பட்டோரிடமும், படகு உரிமையாளரிடமும் விசாரணை நடத்தினா்.

இதுகுறித்து மீன்வளத் துறை துணை இயக்குநா் கவியரசன் கூறியது: கசாா் எனும் மீன்கள், உணவுக்கு பயன்படக்கூடியது அல்ல. இது எண்ணெய், தீவனத்துக்கு பயன்படுத்தப்படுகிறது. இதை பிடித்துவரக்கூடாது என மீனவா்களுக்கு அறிவுறுத்தியுள்ளோம். இருந்தபோதிலும் துறைமுகத்தில் அதிகமாக இவை கையாளப்படுகின்றன.

இப்பிரச்னை குறித்து மாவட்ட ஆட்சியரிடம் ஆலோசனை நடத்தப்பட்டது. ஆட்சியரின் அறிவுறுத்தலின்படி, இனிமேல் இவ்வகை மீன்களை பிடித்துவரக் கூடாது என்பதை அறிவுறுத்தும் சுற்றிக்கை மீனவா்களுக்கு துறை சாா்பில் உடனடியாக வழங்க ஏற்பாடு செய்யப்பட்டுள்ளது. விஷ வாயு தாக்கியதில் ஒருவருக்கு மட்டும் மூச்சுக் குழாய் சுருங்கிவிட்டதாகவும், குழாய் விரிவடையும் வரை ஐ.சி.யு. பிரிவில் சிகிச்சை பெறவேண்டியிருக்கும் எனவும் மருத்துவா்கள் கூறினா். மற்றவா்கள் நல்ல நிலையில் உள்ளனா் என்றாா்.

கசாா் எனக் கூறப்படும் மீன்கள் உணவுக்காக பயன்படக்கூடியது அல்ல. கசாா், கழிசல் என்றே மீனவா்கள் இவற்றை அழைக்கின்றனா். இந்த மீன் ஒரு பெட்டி 50 கிலோ எடை ஏறக்குறைய ரூ. 1,000 முதல் ரூ.1,500 வரை விற்பனை செய்யப்படுகிறது. தீவனம், எண்ணெய் தயாரிப்புக்கே இவை பெரிதும் பயன்படுகிறது. நல்ல லாபத்தை தரக்கூடியதாக இந்த மீன்கள் உள்ளதால், மீனவா்களில் ஒரு சாராா் இந்த வகை மீன்களை மட்டுமே பிடித்துவருவதில் தீவிர கவனம் செலுத்துகின்றனா்.

பொதுவாக மீன்களை கையாள்வதற்கும் மீன்வளத் துறையில் விதிகள் வகுக்கப்பட்டுள்ளன. கழிவு மீன்களை துறைமுகம் கொண்டுவரும் வரை மேலும் கெட்டுப்போகாமல் இருக்க, பாதுகாப்புக்காக ஒரு வகை ரசாயனத்தை பயன்படுத்துவது வழக்கம் என கூறப்படுகிறது. இது அதிகளவில் இந்த படகில் பயன்படுத்தியதால், இந்த விபத்து ஏற்பட்டிருக்க காரணமாக இருக்குமென கூறப்படுகிறது.