காரைக்காலில் 12 பேருக்கு கரோனா

காரைக்கால் மாவட்டத்தில் 12 பேருக்கு கரோனா தொற்று புதன்கிழமை உறுதியானதாக நலவழித் துறை துணை இயக்குநா் அலுவலகம் தெரிவித்தது. இதுகுறித்து வெளியிடப்பட்ட செய்திக் குறிப்பு:

காரைக்கால் மாவட்டத்தில் செவ்வாய்க்கிழமை 702 பேருக்கு எடுக்கப்பட்ட பரிசோதனை முடிவுகளின்படி திருநள்ளாறு 5, திருப்பட்டினம் 3, காரைக்கால் நகரம் 2, கோட்டுச்சேரி, நல்லம்பல் தலா 1 என மொத்தம் 12 பேருக்கு தொற்று உறுதியானது.

மாவட்டத்தில் இதுவரை 1,71,800 பரிசோதனை செய்யப்பட்டதில் 14,900 பேருக்கு தொற்று கண்டறியப்பட்டு 14,537 போ் தொற்றிலிருந்து குணமடைந்துள்ளனா். கரோனா தொற்றால் இதுவரை 233 போ் உயிரிழந்துள்ளனா்.

காரைக்கால் மாவட்டத்தில் இதுவரை முதல்தவணையாக 73,813 பேருக்கும், 2-ஆவது தவணையாக 16,361 பேருக்கும் என 90,174 பேருக்கு கரோனா தடுப்பூசி செலுத்தப்பட்டுள்ளது என அதில் தெரிவிக்கப்பட்டுள்ளது.