காரைக்காலில் நாளை முதல் வாரச் சந்தை

காரைக்காலில் ஞாயிற்றுக்கிழமை (ஆக. 1) முதல் வாரச் சந்தை நடைபெறும் என தெரிவிக்கப்பட்டுள்ளது.

இதுகுறித்து காரைக்கால் நகராட்சி ஆணையா் அலுவலகம் வியாழக்கிழமை வெளியிட்ட அறிவிப்பு :

கரோனா தொற்று பரவல் காரணமாக தற்காலிகமாக காரைக்கால் நகராட்சித் திடலில் நடத்தப்பட்டுவந்த வாரச் சந்தை ஆக. 1-ஆம் தேதி ஞாயிற்றுக்கிழமை முதல் வழக்கம்போல நடைபெறும்.

பொதுமக்கள், வியாபாரிகள் அனைவரும் அரசின் கரோனா தொற்றை கட்டுப்படுத்துதலுக்கான வழிகாட்டு நெறிமுறைகளைக்குள்பட்டு செயல்படவேண்டும்.

குறிப்பாக, முகக்கவசம் அணிதல், சமூக இடைவெளியை கடைப்பிடித்தல் மிக அவசியம் என அதில் தெரிவிக்கப்பட்டுள்ளது.