காா்களில் கடத்தப்பட்டபுகையிலைப் பொருள்கள் பறிமுதல்: மூவா் கைது

விழுப்புரம் மாவட்டம், ஆரோவில் அருகே காா்களில் கடத்திவரப்பட்ட ரூ.10 லட்சம் மதிப்பிலான 250 கிலோ புகையிலைப் பொருள்களையும், ரூ.3.24 லட்சம் ரொக்கத்தையும் போலீஸாா் வியாழக்கிழமை பறிமுதல் செய்தனா். இது தொடா்பாக 3 போ் கைது செய்யப்பட்டனா்.

ஆரோவில் கலைவாணா் நகா் பகுதியில் ஆரோவில் போலீஸாா் வியாழக்கிழமை வாகனத் தணிக்கையில் ஈடுபட்டனா். அப்போது, சந்தேகத்துக்கிடமான வகையில் வந்த இரண்டு சொகுசு காா்களை நிறுத்தி போலீஸாா் சோதனையிட்டனா். அவற்றில் 32 மூட்டைகளில் 250 கிலோ புகையிலைப் பொருள்கள் இருந்து தெரியவந்தது. இவற்றின் மதிப்பு சுமாா் ரூ.10 லட்சம் இருக்கும்.

இது தொடா்பாக காா்களில் இருந்த 3 பேரைப் பிடித்து விசாரித்ததில், புதுச்சேரியைச் சோ்ந்த அருமாத்சிங் மகன் மோகன்லால் (23), மாங்கிலால் மகன் மகேந்தா் (36), கா்நாடக மாநிலம், பெங்களூரைச் சோ்ந்த குய்யாராம் மகன் ராஜாராம் (30) என்பதும், பெங்களூரில் இருந்து தடை செய்யப்பட்ட புகையிலைப் பொருள்களை கடத்தி வந்து விற்பனை செய்ய முயன்றதும் தெரியவந்தது.

இதையடுத்து, புகையிலைப் பொருள்கள், கடத்தலுக்கு பயன்படுத்திய 2 காா்கள், அவா்கள் வைத்திருந்த ரூ.3.24 லட்சம் ரொக்கம், 4 செல்லிடப்பேசிகள் ஆகியவற்றை போலீஸாா் பறிமுதல் செய்தனா். மேலும், இது குறித்து ஆரோவில் போலீஸாா் வழக்குப் பதிவு செய்து மோகன்லால் உள்ளிட்ட 3 பேரையும் கைது செய்தனா்.