நெடுங்காடு அருகே மல்லிகேஸ்வரி மாரியம்மன் கோயில் உற்சவம் பூச்சொரிதல் விழாவுடன் திங்கள்கிழமை தொடங்கியது.

காரைக்கால் மாவட்டம், நெடுங்காடு கொம்யூன், மேலகாசாக்குடி நாகநாதசுவாமி, வரதராஜ பெருமாள் வகையறா கோயிலான மல்லிகேஸ்வரி, பத்ரகாளியம்மன் கோயில் வருடாந்திர உற்சவம் 8 நாள்கள் நடைபெறும்.

நிகழாண்டு உற்சவம் திங்கள்கிழமை இரவு பூச்சொரிதல் வழிபாட்டுடன் தொடங்கியது. ஏராளமான பக்தா்கள் பூத்தட்டில் பல்வேறு மலா்களை கொண்டுவந்து மாரியம்மன் கோயிலில் ஒப்படைத்தனா். அம்மனுக்கு மலா்களால் அபிஷேகம் செய்யப்பட்டு, சிறப்பு ஆராதனைகள் நடத்தப்பட்டன.

2-ஆம் நாள் நிகழ்ச்சியாக பத்ரகாளியம்மனுக்கு செவ்வாய்க்கிழமை இரவு பூச்சொரிதல் வழிபாடு நடைபெற்றது.

விழாவின் முக்கிய நிகழ்வான தீமிதி உற்சவம் 23-ஆம் தேதி திங்கள்கிழமை நடைபெறுகிறது. 24-ஆம் தேதி காலை மஞ்சள் விளையாட்டு விழாவும், இரவு அக்னி கப்பரை வழிபாடும் நடைபெறுகிறது. 25-ஆம் தேதி பத்ரகாளியம்மன் வீதியுலாவும், 26-ஆம் தேதி விடையாற்றியுடன் உற்சவம் நிறைவடைகிறது.

ஏற்பாடுகளை அறங்காவல் வாரியத்தினா், விழாக் குழுவினா் செய்துள்ளனா்.