காரைக்காலில் டெங்கு காய்ச்சல் விழிப்புணா்வு பிரசாரம் திங்கள்கிழமை மேற்கொள்ளப்பட்டது.

மே 16-ஆம் தேதி தேசிய டெங்கு நாளாக அறிவிக்கப்பட்டு, ஆண்டுதோறும் டெங்கு காய்ச்சல் குறித்த விழிப்புணா்வு ஏற்படுத்தப்படுகிறது. காரைக்கால் நலவழித் துறை சாா்பில் திருநகா் பகுதியில் டெங்கு விழிப்புணா்வு நிகழ்ச்சி திங்கள்கிழமை நடைபெற்றது.

நலவழித் துறை துணை இயக்குநா் ஆா். சிவராஜ்குமாா் பேசுகையில், டெங்கு ஒரு வகையான வைரஸ் காய்ச்சல். ஏடிஸ் வகை கொசுக்கள் மூலம் பரவுகிறது. காய்ச்சல் அறிகுறியுள்ளோா் சுயமாக மாத்திரைகள் எடுத்துக்கொள்ளாமல், அருகில் உள்ள மருத்துவமனைக்கு சென்று பரிசோதித்துக்கொள்ளவேண்டும். காலதாமதம் உயிருக்கு ஆபத்தை ஏற்படுத்தும் என்றாா்.

தொழில்நுட்ப உதவியாளா் சீ.சேகா் பேசுகையில், குடியிருப்பையொட்டி தேங்கும் நல்ல தண்ணீரில்தான் ஏடிஸ் கொசு முட்டையிடும். எனவே தண்ணீா் தேங்காமல் பாா்த்துக்கொள்ளவேண்டும். தண்ணீா் தேங்கக்கூடிய தேங்காய் ஓடு, பழைய டயா், உபயோகமில்லாத ஆட்டுக்கல், பாத்திரம் போன்றவற்றை கவிழ்த்து வைக்கவேண்டும்.

தற்போது கோடைக்காலமாக இருந்தும் ஆங்காங்கே டெங்கு காய்ச்சல் ஏற்படுகிறது. சேமித்து வைக்கும் தண்ணீராலும் பாதிப்பு ஏற்படும். எனவே மேல்நிலை, கீழ்நிலை தொட்டிகளை முறையாக மூடிவைக்க வேண்டும் என்றாா்.

சுகாதார ஆய்வாளா்கள் ஜி.சிவவடிவேல், ஏ. வெங்கடேசன் உள்ளிட்ட குழுவினா் மக்களிடையே விழிப்புணா்வு ஏற்படுத்தினா்.