காரைக்காலில் இருந்து சேலத்துக்கு டீசல் கடத்த முயன்ற டேங்கா் லாரி பறிமுதல்3 போ் கைது

காரைக்காலில் இருந்து சேலத்துக்கு டீசல் கடத்த முயன்ற டேங்கா் லாரியை ஞாயிற்றுக்கிழமை இரவு பறிமுதல் செய்த போலீஸாா், 3 பேரை கைதுசெய்தனா்.

தமிழகத்தைக் காட்டிலும் புதுவை மாநிலத்தில் பெட்ரோல், டீசல் விலை சற்று குறைவு. இதைப் பயன்படுத்தி, காரைக்காலில் இருந்து பல்வேறு பகுதிகளுக்கு எரிபொருள் கடத்தப்படுவதாக பொதுமக்களிடையே புகாா்கள் தெரிவிக்கப்படுகின்றன.

இந்த நிலையில், காரைக்கால் மாவட்டம், அம்பகரத்தூா் எல்லையில் போலீஸாா் ஞாயிற்றுக்கிழமை இரவு சோதனையில் ஈடுபட்டிருந்தபோது, தமிழகப் பகுதிக்கு செல்லும் வகையில் வந்த டேங்கா் லாரியை நிறுத்தி ஆவணங்களை பரிசோதித்தனா். லாரியில் இருப்பது டீசல் என்பது உறுதிசெய்யப்பட்டது.

அதற்கான ஆவணங்கள் இல்லாததால், தூத்துக்குடியை சோ்ந்த லாரி ஓட்டுநா் மாரிசெல்வத்திடம் (25) விசாரணை நடத்தினா். அப்போது, காரைக்கால் பகுதி பச்சூரில் உள்ள தனியாா் பெட்ரோல் நிலையத்திலிருந்து 12 ஆயிரம் லிட்டா் டீசலை நிரப்பிக்கொண்டு சேலத்துக்கு செல்வதாக தெரிவித்துள்ளாா்.

டீசல் கடத்தலை உறுதிசெய்த போலீஸாா், அவரை காரைக்கால் உணவுப் பிரிவு காவல் நிலையத்தில் ஒப்படைத்தனா். மாரிசெல்வத்தை கைதுசெய்த போலீஸாா், அவரிடம் நடத்திய விசாரணையின்பேரில், பெட்ரோல் நிலைய மேலாளா் ராஜ்குமாா், ஊழியா் மதிமாறனையும் கைதுசெய்தனா். டேங்கா் லாரியை பறிமுதல் செய்து, மேலும் விசாரணை மேற்கொண்டுள்ளனா்.