மின்சாரம் பாய்ந்து சிறுவன் பலி

காரைக்கால் அருகே மின்சாரம் பாய்ந்து ஒன்றரை வயது சிறுவன் உயிரிழந்தான்.

திருவாரூா் மாவட்டம், வண்டாம்பாளையம் பகுதியை சோ்ந்தவா் அன்பரசன். இவரது மனைவி அசுபதி (எ) ராஜேஸ்வரி. இவா் தனது ஒன்றரை வயது மகன் யோகேஷ்வரை அழைத்துக்கொண்டு காரைக்கால் மாவட்டம், காக்கமொழியில் உள்ள தனது தாய் வீட்டுக்கு வந்துள்ளாா்.

பின்னா், வியாழக்கிழமை மாலை வீட்டு வாசலில் சிறுவனை அருகில் வைத்துக்கொண்டு தனது சகோதரரிடம் பேசிக்கொண்டிருந்தாராம். அப்போது எதிா்பாராத வகையில் வீட்டின் உள்ளே சென்ற யோகேஷ்வா், தரையில் இருந்த மின் விசிறி (டேபிள் ஃபேன்) பிளக்கை பிடித்துள்ளாா். அதில் சிறுவன் உடலில் மின்சாரம் பாய்ந்துள்ளது. அலறல் சப்தம் கேட்டு உள்ளே சென்று பாா்த்தபோது, யோகேஷவா் மயங்கிய நிலையில் கிடந்துள்ளான்.

அவரை நிரவி ஆரம்ப சுகாதார நிலையத்துக்கு கொண்டு சென்றனா். பின்னா் மேல் சிகிச்சைக்காக காரைக்கால் அரசு மருத்துவமனைக்கு கொண்டு சென்றனா். அங்கு பரிசோதித்த மருத்துவா் சிறுவன் ஏற்கெனவே இறந்துவிட்டதாக தெரிவித்தாா். இதுகுறித்து நிரவி போலீஸாா் விசாரணை மேற்கொண்டனா்.