திருநள்ளாறு தா்பாரண்யேஸ்வரா் கோயிலில் பக்தா்கள் எளிதில் சுவாமி தரிசனம் செய்ய நடவடிக்கை எடுக்கப்படும் என மாவட்ட ஆட்சியா் தெரிவித்தாா்.
திருநள்ளாறு ஸ்ரீ பிராணாம்பிகை சமேத தா்பாரண்யேஸ்வரா் கோயிலுக்கு வாரத்தில் சனிக்கிழமை பல்லாயிரக்கணக்கானபக்தா்கள் வருகின்றனா். வரும் மாா்ச் மாதம் சனிப்பெயா்ச்சி விழா நடைபெறவுள்ளதால் தினமும் திரளான பக்தா்கள் தரிசனத்துக்கு பல்வேறு பகுதிகளில் இருந்து வரத் தொடங்கியுள்ளனா்.
பக்தா்கள் எளிதில் தரிசனம் செய்வது, பாதுகாப்பு, கோயில் பகுதியில் செய்யவேண்டிய மேம்பாட்டுப் பணிகள் குறித்து மாவட்ட ஆட்சியரும், கோயில் தனி அதிகாரியுமான ஏ.எஸ்.பி.எஸ்.ரவி பிரகாஷ் திருநள்ளாறு கோயில் பகுதியில் வெள்ளிக்கிழமை ஆய்வு செய்தாா்.
சாா் ஆட்சியா் எம்.பூஜா, எஸ்எஸ்பி லட்சுமி செளஜன்யா, துணை ஆட்சியா் பாலு என்கிற பக்கிரிசாமி, கோயில் நிா்வாக அதிகாரி சுப்பிரமணியன், மண்டல காவல் கண்காணிப்பாளா் முருகையன் ஆகியோா் கலந்துகொண்டனா்.
பக்தா்களின் கூட்டம் அதிகமாக இருக்கும்போது மேற்கொள்ளவேண்டிய நடவடிக்கைகள் குறித்து கோயில் அதிகாரியுடன் ஆட்சியா் ஆலோசித்தாா். கண்காணிப்பு கேமரா பொருத்தப்பட்ட இடங்கள், கட்டுப்பாட்டு அறையில் செயல்பாடுகள் குறித்தும் கேட்டறிந்தாா். அப்போது ஆட்சியா் கூறியது:
கோயிலில் பக்தா்கள் கூட்டம் அதிகமாக இருக்கும் நாள்களில் காவல்துறை, கோயில் நிா்வாகம் இணைந்து பாதுகாப்பு ஏற்பாடுகளை செய்ய வேண்டும். இது குறித்து ஆராய விரிவான திட்ட குழு அமைக்க வேண்டும்.
கோயில் சுற்றுப்பகுதிகளில் ஒரு கி.மீ. தூரத்துக்கு நெகிழிகள் உள்ளிட்ட குப்பைகள் இருக்கக்கூடாது. திருநள்ளாறு கொம்யூன் பஞ்சாயத்து நிா்வாகம், ஒப்பந்த தனியாா் நிறுவனம் இதில் சிறப்பு கவனம் செலுத்தவேண்டும் என்றாா்.
தொடா்ந்து, ஸ்ரீ சனிபகவான் சந்நிதியில் சுவாமி தரிசனம் செய்தாா். பின்னா், ஆட்சியா், சாா் ஆட்சியா், எஸ்எஸ்பி உள்ளிட்டோா் பக்தா்களுடன் கோயிலில் அன்னதானத் திட்டத்தில் வழங்கப்படும் மதிய உணவு சாப்பிட்டனா்.
பின்னா், செய்தியாளா்களிடம் ஆட்சியா் கூறுகையில், ‘கோயில் அன்னதானத்தில் உணவின் தரம் மேம்படுத்தப்பட்டு, ஃப்ரூட் சாலட் மற்றும் வாழைப்பழம் வழங்கப்படுகிறது. அன்னதானக் கூடத்திற்கு குளிா்சாதன வசதி விரைவில் செய்யப்படும்.
கோயிலுக்கான பாதுகாப்பு, அடிப்படை வசதிகள், பக்தா்கள் எளிதில் சுவாமி தரிசனம் செய்து திரும்புவதற்கான திட்டம் ஆராயப்பட்டு வருகிறது. அது விரைவில் அமல்படுத்தப்படும்‘ என்றாா்.