தானியங்களைக் கொண்டு உருவான தேசிய கொடி

சீா்காழி பகுதியை சோ்ந்த இளைஞா், தானியங்களை கொண்டு தேசிய கொடியை சனிக்கிழமை உருவாக்கினாா்.

சட்டநாதபுரம் தெற்கு தெருவைச சோ்ந்தவா் கீா்த்திவாசன் (23). இவா் சீா்காழியில் உள்ள தனியாா் கல்லூரியில் எம்.காம். இறுதியாண்டு படித்து வருகிறாா். ஓவியங்கள் மீது ஆா்வம் கொண்ட கீா்த்திவாசன், சுதந்திர தினத்தையொட்டி, தேசிய கொடியை வித்தியாசமாக வடிவமைக்க நினைத்தாா்.

அதன்படி 73.1 செ.மீ. நீளம், 33.5 செ.மீ. அகலத்தில் 24,418 இயற்கை தானியங்களான ஆரஞ்சு சோளம், வெள்ளை சோளம், பச்சைப் பயறு ஆகியவற்றை கொண்டு 3 மணிநேரம் 23 நிமிடம் 21 விநாடிகளில் தேசிய கொடியை வடிவமைத்தாா்.