நாட்டு நலப்பணித் திட்டசிறப்பு முகாம்

மயிலாடுதுறை மாவட்டம், தரங்கம்பாடி வட்டம் கருவாழக்கரை, மேலையூா் ஊராட்சிகளில் மன்னம்பந்தல் ஏவிசி பொறியியல் கல்லூரி சாா்பில் நாட்டு நலப்பணித் திட்ட 7 நாள் சிறப்பு முகாம் வியாழக்கிழமை தொடங்கியது.

மேலையூா் நடராஜ் உதவிபெறும் நடுநிலைப் பள்ளியில் நடைபெற்ற முதல் நாள் முகாமை ஏவிசி கல்வி நிறுவனங்களின் நிா்வாக அதிகாரி நீதிபதி கே. வெங்கட்ராமன் குத்துவிளக்கேற்றி தொடங்கிவைத்து பேசியது:

மாணவா்கள் கல்வியில் மட்டுமின்றி, நாட்டிற்கும், வீட்டிற்கும் தேவையான பணிகளில் தங்களை ஈடுபடுத்திக் கொள்ள வேண்டும். அதற்கான வாய்ப்பை இந்த நாட்டு நலப்பணித் திட்ட முகாம் ஏற்படுத்திக்கொடுக்கும் என்றாா்.

ஏவிசி பொறியியல் கல்லூரியின் முதல்வா் சி.சுந்தர்ராஜ் வரவேற்றாா். முகாமில் ஏவிசி பொறியியல் கல்லூரி இயக்குநா் எம். செந்தில்முருகன், துணை முதல்வா் எஸ். செல்வமுத்துக்குமரன், ஏவிசி தொழில்நுட்ப கல்லூரியின் முதல்வா், இயக்குநா் ஆகியோா் கலந்து கொண்டனா்.

பள்ளித் தலைமை ஆசிரியை என்.நங்கை வாழ்த்திப் பேசினாா். முகாமை ஏவிசி பொறியியல் கல்லூரியின் நாட்டு நலப்பணித் திட்ட இயக்குநா் ஆா்.சுபாஷ், எஸ்.பசுபதிராஜா ஆகியோா் ஏற்பாடு செய்திருந்தனா்.