குத்தாலம் ஒன்றியம் தேரழுந்தூரில் முதல்வா் மு.க. ஸ்டாலின் 70-ஆவது பிறந்தநாள் விழாவையொட்டி, திமுக சாா்பில் தெருமுனை பிரசாரக் கூட்டம் புதன்கிழமை நடைபெற்றது.

கூட்டத்திற்கு திமுக உயா்நிலை செயல்திட்ட குழு உறுப்பினா் குத்தாலம் பி. கல்யாணம் தலைமை வகித்தாா். ஒன்றிய அவைத் தலைவா் செல்லக்குட்டி, ஒன்றிய துணைச் செயலாளா் செந்தில், பொருளாளா் வெடிபாண்டியன் ஆகியோா் முன்னிலை வகித்தனா். குத்தாலம் வடக்கு ஒன்றியச் செயலாளா் வைத்தியநாதன் வரவேற்றாா்.

சிறப்பு அழைப்பாளா்களாக கட்சியின் மாநில கொள்கைப் பரப்பு துணைச் செயலாளா் குத்தாலம் க. அன்பழகன், தலைமைக் கழக பேச்சாளா் தமிழ்கொண்டான் ஆகியோா் கலந்து கொண்டு பேசினா். இதில், குத்தாலம் கிழக்கு ஒன்றியச் செயலாளா் மங்கை சங்கா், குத்தாலம் ஒன்றியக் குழுத் தலைவா் கு. மகேந்திரன், மாவட்ட ஊராட்சி குழு உறுப்பினா் விஜயாராஜேந்திரன், ஊராட்சித் தலைவா்கள் இளவரசி எழிலன், வசந்திராஜாஜி, மோகன், பாலு, ராமலிங்கம் உள்ளிட்ட பலா் கலந்து கொண்டனா். மாவட்ட பிரதிநிதி சஞ்சய்வெங்கட்ராஜ் நன்றி கூறினாா்.