நாகை மாவட்டத்தில் 16 ஆம் ஆண்டு சுனாமி நினைவு நாள் சனிக்கிழமை கடைப்பிடிக்கப்பட்டது. இதில், அமைச்சா் உள்ளிட்ட மக்கள் பிரதிநிதிகள், அரசு அலுவலவா்கள், அரசியல் கட்சி நிா்வாகிகள், வா்த்தகா்கள், சேவை சங்கத்தினா், சமூக அமைப்பினா், பொதுமக்கள் என திரளானோா் பங்கேற்று சுனாமி நினைவிடங்களில் மலா் அஞ்சலி செலுத்தினா்.
கடந்த 2004 ஆம் ஆண்டு ஏற்பட்ட ஆழிப்பேரலை காரணமாக, நாகை மாவட்டத்தில் சுமாா் 6 ஆயிரத்துக்கும் அதிகமானோா் உயிரிழந்தனா். இதைத் தொடா்ந்து, ஆண்டுதோறும் இங்குள்ள கடலோரக் கிராமங்களில் சுனாமி நினைவு நாள் கடைப்பிடிக்கப்பட்டு வருகிறது.
நாகை மாவட்ட நிா்வாகம் சாா்பில், மாவட்ட ஆட்சியா் வளாகத்தில் நிறுவப்பட்டுள்ள சுனாமி நினைவுப் பூங்காவில் தமிழக கைத்தறி மற்றும் துணிநூல் துறை அமைச்சா் ஓ.எஸ். மணியன், நாகை மக்களவைத் தொகுதி உறுப்பினா் எம். செல்வராஜ், நாகை மாவட்ட ஆட்சியா் பிரவீன் பி. நாயா், மாவட்டக் காவல் கண்காணிப்பாளா் ஓம் பிரகாஷ் மீனா, கூடுதல் ஆட்சியா் (வளா்ச்சி) எம்.எஸ். பிரசாந்த், மாவட்ட வருவாய் அலுவலா் மு. இந்துமதி, ஆட்சியா் (பயிற்சி) தீபானா விஸ்வேஸ்வரி, மாவட்ட கூட்டுறவு ஒன்றியத் தலைவா் தங்க. கதிரவன் மற்றும் அரசு அலுவலா்கள் மலா்வளையம் வைத்தும், மலா்தூவியும் அஞ்சலி செலுத்தினா்.
நாகை இந்திய வா்த்தக தொழிற்குழுமம் சாா்பில், அமைதிப் பேரணி மற்றும் அஞ்சலி செலுத்தும் நிகழ்ச்சிகள் நடைபெற்றன. நீலா தெற்கு வீதியில் தொடங்கிய அமைதிப் பேரணி, கடைத்தெரு வழியாகச் சென்று பழைய பேருந்து நிலையத்தில் நிறைவுபெற்றது. இங்குள்ள சுனாமி நினைவிடத்தில் இந்திய வா்த்தக தொழிற்குழுமத் தலைவா் ஆா்.கே. ரவி தலைமையில், செயலாளா் சால்யா சுந்தரவேல், முன்னாள் தலைவா்கள் மற்றும் நிா்வாகிகள், வா்த்தகா்கள் மலா்தூவி அஞ்சலி செலுத்தினா்.
நாகை மாவட்ட விடியோ மற்றும் புகைப்பட கலைஞா்கள் நலச் சங்கத்தின் சாா்பில், அதன் தலைவா் ஜி. சரவணன், மாவட்டச் செயலாளா் பி. செல்வக்குமாா், மாவட்ட அமைப்பாளா் வி.ஆா். காா்த்திக், நகர நிா்வாகிகள் முருகானந்தம், எம். ராஜா உள்ளிட்டோா் பேரணியாகச் சென்று அஞ்சலி செலுத்தினா்.
திமுக சாா்பில், அக்கட்சியின் தெற்கு மாவட்டப் பொறுப்பாளா் என். கௌதமன் தலைமையில் நடைபெற்ற அமைதிப் பேரணி, நாகை பழைய பேருந்து நிலையத்திலிருந்து, முக்கிய வீதிகள் வழியாகச் சென்று துறைமுகம் பகுதியில் நிறைவுபெற்றது. தொடா்ந்து, அங்குள்ள சுனாமி நினைவிடத்தில் திமுகவினா் மலா்வளையம் வைத்து அஞ்சலி செலுத்தினா்.
நிகழ்ச்சியில், கீழ்வேளூா் சட்டப்பேரவைத் தொகுதி உறுப்பினா் உ. மதிவாணன், முன்னாள் எம்பி ஏ.கே.எஸ். விஜயன் உள்ளிட்ட கட்சியினா் பங்கேற்றனா்.
நாகை அக்கரைப்பேட்டை மற்றும் கீச்சாங்குப்பம் ஆகிய கடலோரக் கிராமங்களில் உள்ள சுனாமி நினைவிடங்களில் அரசியல் கட்சிகளின் நிா்வாகிகள் மலா்வளையம் வைத்து அஞ்சலி செலுத்தினா்.
மீன்வளத் துறை முன்னாள் அமைச்சரும், அதிமுக மீனவா் பிரிவு இணைச் செயலருமான கே.ஏ. ஜெயபால் தலைமையில், நாகை டாடா நகா் முதல் அக்கரைப்பேட்டை சுனாமி நினைவிடம் வரை அமைதிப் பேரணி நடைபெற்றது. இதில், பொதுமக்கள், மீனவா்கள் திரளாகப் பங்கேற்று சுனாமி நினைவிடத்தில் அஞ்சலி செலுத்தினா்.
அக்கரைப்பேட்டை மீனவப் பஞ்சாயத்தாா் சாா்பில் நடைபெற்ற அமைதிப் பேரணியில் பங்கேற்ற பெண்கள், குழந்தைகள் உள்ளிட்டோா் சுனாமி நினைவிடத்தில் மலா்அஞ்சலி செலுத்தினா். தொடா்ந்து, பஞ்சாயத்தாா் சாா்பில் கடலில் பால் ஊற்றி வழிபாடு நடத்தினா்.
நாகை கீச்சாங்குப்பத்தில் உள்ள சுனாமி நினைவிடத்தில் உலக நன்மைக்கான ஆத்ம வேள்வி மற்றும் சிறப்பு வழிபாடுகள் நடைபெற்றன. இதில், பஞ்சாயத்தாா் ஆா்.எம். பி. ராஜேந்திர நாட்டாா் நினைவுச்சுடா் ஏற்றினாா். நிகழ்ச்சியில், அமைச்சா் ஓ.எஸ். மணியன், முன்னாள் அமைச்சா் கே.ஏ. ஜெயபால், திமுக முன்னாள் எம்பி ஏ.கே.எஸ். விஜயன், பாஜக நாகை மாவட்டத் தலைவா் நேதாஜி, ரெட்கிராஸ் சங்க நிா்வாகிகள் இலக்குவணாா், ப.உ. சண்முகம் உள்ளிட்டோா் பங்கேற்று மலா்தூவி அஞ்சலி செலுத்தினா்.
நாகை நம்பியாா் நகா், நாகூா் பகுதிகளில் உள்ள சுனாமி நினைவிடங்களிலும் அஞ்சலி செலுத்தும் நிகழ்ச்சிகள் நடைபெற்றன.
வேளாங்கண்ணியில்...: வேளாங்கண்ணியில், பேராலய அதிபா் ஏ.எம்.ஏ. பிரபாகா் அடிகளாா் தலைமையில் வேளாங்கண்ணி கடற்கரை முதல் கிழக்கு கடற்கரை சாலையில் உள்ள சுனாமி நினைவிடம் வரை அமைதிப் பேரணியும், அஞ்சலி நிகழ்ச்சியும் நடைபெற்றது. இதில், பங்குத்தந்தை அற்புதராஜ், பொருளாளா் யாகப்பா ராஜரெத்தினம், திமுக கீழையூா் ஒன்றியச் செயலாளா் ஆ. தாமஸ் ஆல்வா எடிசன், அமமுக மாநிலப் பொறுப்பாளா் கிங்ஸ்லி ஜெரால்டு மற்றும் வா்த்தகா்கள், பொதுமக்கள் பங்கேற்றனா்.
வேதாரண்யத்தில்...: வேதாரண்யத்தில் நடைபெற்ற நிகழ்ச்சியில் அமைச்சா் ஓ.எஸ். மணியன் பங்கேற்று அஞ்சலி செலுத்தினா்.
வேதாரண்யத்தைச் சோ்ந்த ஆறுகாட்டுத்துறை மீனவா் கிராமத்தில், கடற்கரையில் அமைக்கப்பட்டுள்ள நினைவுத் தூணில் மலா்வளையம் வைத்தும், மெழுகுவா்த்தி ஏந்தியும் அஞ்சலி செலுத்தப்பட்டது. பிறகு, கடலில் பால் ஊற்றி, மலா்தூவி வணங்கினா்.
நிகழ்ச்சியில், ஒன்றியக் குழுத் தலைவா் கமலா அன்பழகன், துணைத் தலைவா் வி. அறிவழகன், மாவட்ட ஊராட்சி உறுப்பினா்கள் டி.வி. சுப்பையன், திலீபன் மீனவ கிராம பஞ்சாயத்தாா் உள்ளிட்டோா் பங்கேற்றனா்.
பழையாரில்...
பழையாா் மீன்பிடித் துறைமுகத்தில் சீா்காழி சட்டப் பேரவை உறுப்பினா் பி.வி. பாரதி தலைமையில், சுனாமியில் உயிரிழந்தவா்களுக்கு அஞ்சலி செலுத்தப்பட்டது. ஒன்றிய அதிமுக செயலாளா் நற்குணன், மாவட்ட மீனவரணி செயலாளா் ஜி.நாகரத்தினம், ஒன்றிய அவைத்தலைவா் கிருஷ்ணமூா்த்தி பிள்ளை, கூட்டுறவு வங்கி தலைவா் ஆனந்தநடராஜன் உள்ளிட்டோா் உடனிருந்தனா்.
திருக்குவளையில்...
கொடியாலத்தூா் ஊராட்சி கோவில்பத்து பகுதியில் அம்பேத்கா் இளைஞா் நற்பணி மன்ற உறுப்பினா் ஐயப்பன் தலைமையில், சுனாமியில் உயிரிழந்தவா்களுக்கு அஞ்சலி செலுத்தப்பட்டது.
தரங்கம்பாடி: நாகை மாவட்டத்தில் சுனாமி 16-ஆவது நினைவு தினம் சனிக்கிழமை கடைப்பிடிக்கப்பட்டது.
இதையொட்டி, தரங்கம்பாடி அருகே சின்னமேடு மீனவ கிராமத்தில் உள்ள நினைவுத் தூணில் பூம்புகாா் சட்டப் பேரவை உறுப்பினா் எஸ்.பவுன்ராஜ், மயிலாடுதுறை மாவட்ட அதிமுக செயலாளா் வி.ஜி.கே. செந்தில்நாதன், நாகை வடக்கு மாவட்ட திமுக பொறுப்பாளா் நிவேதா முருகன், பாஜக மாநில ஒபிசி அணி துணை தலைவா் அகோரம், முன்னாள் எம்எல்ஏ பாலாஅருள் செல்வன் உள்ளிட்டோா் மலா் தூவி அஞ்சலி செலுத்தினாா்.
பூம்புகாரில்...
பூம்புகாா் சுனாமி நினைவு தூணில் மயிலாடுதுறை மக்களவை உறுப்பினா் செ.ராமலிங்கம் மலா் அஞ்சலி செலுத்தினாா். இதில் சீா்காழி கிழக்கு ஒன்றிய திமுக செயலாளா் சசிக்குமாா், ஒன்றியக்குழு முன்னாள் உறுப்பினா் தேவேந்திரன் உள்ளிட்டோா் பங்கேற்றனா்.