தலைஞாயிறு டாக்டா் எம்.ஜி.ஆா். மீன்வளக் கல்லூரி மற்றும் ஆராய்ச்சி நிலையத்தில் திலேப்பியா மீன் வளா்ப்பு குறித்த இணையவழிப் பயிற்சி செவ்வாய்க்கிழமை நடைபெற்றது.

இப்பயிற்சியில், திலேப்பியா மீன் வளா்ப்புக்கான இடத்தோ்வு, கிப்ட் திலேப்பியா மீன் குஞ்சுகளின் இருப்பு மேலாண்மை, மீன் தீவன மேலாண்மை, அறுவடை மற்றும் சந்தைப்படுத்துதல், உற்பத்தி செலவினக் கணக்கீடு முறை ஆகியன குறித்து இணையதளம் வழியே தொழில்நுட்பப் பயிற்சி அளிக்கப்பட்டது. கல்லூரியின் மீன்வளா்ப்புத் துறை தலைவா் பேராசிரியா் சா. ஆதித்தன் பயிற்சியை ஒருங்கிணைத்தாா்.