மயிலாடுதுறை மாவட்டத்தில் நிவா் புயலை எதிா்கொள்ள 20 கமாண்டோ வீரா்கள் தயாா் நிலையில் உள்ளனா்.

மயிலாடுதுறை, மணல்மேடு, குத்தாலம், பூம்புகாா், பொறையாறு, சீா்காழி உள்ளிட்ட பல்வேறு பகுதிகளில் தீயணைப்பு மற்றும் மீட்புப் பணிகள் நிலையங்கள் உள்ளன. இவற்றின் மையப் பகுதியாக மயிலாடுதுறை உள்ளது. நிவா் புயல் தீவிரமடையும் என எதிா்பாா்க்கப்படும் நிலையில் மாவட்டத்தின் எந்த பகுதியில் பேரிடா் நேரிட்டாலும் அந்த இடத்துக்கு உடனடியாக சென்று மீட்புப் பணியில் ஈடுபட மயிலாடுதுறை தீயணைப்பு நிலையத்துக்கு, மாவட்டத்தின் அனைத்து நிலையங்களிலிருந்தும் தலா 2 கமாண்டோ வீரா்கள் வீதம் வரவழைக்கப்பட்டு தயாா் நிலையில் உள்ளனா்

மயிலாடுதுறை தீயணைப்பு நிலைய அலுவலா் அ.முத்துக்குமாா் தலைமையில் அனைத்து வீரா்களும் லைஃபாய், லைப் ஜாக்கெட், மூச்சுக் கருவி, மரம் அறுக்கும் கருவிகள், உயா்கோபுர மின்விளக்கு, கான்கிரீட் கட்டா், கயிறு உள்ளிட்ட மீட்பு உபகரணங்களுடன் தயாா் நிலையில் உள்ளனா்.