பனைவிதை விதைப்பு திட்டம் தொடக்கம்

சீா்காழி வட்டம், நிம்மேலி கிராமத்தில் 1லட்சம் பனை விதைகள் விதைக்கும் திட்டத்தை நாகை மாவட்ட ஆட்சியா் பிரவீன் பி. நாயா் திங்கள்கிழமை தொடங்கி வைத்தாா்.

சீா்காழி நலம் பாரம்பரிய விவசாய அறக்கட்டளை சாா்பில் இந்நிகழ்ச்சி நடைபெற்றது. நிம்மேலி ஊராட்சித் தலைவா் வசந்தி கிருபாநிதி தலைமை வகித்தாா். நலம் பாரம்பரிய விவசாய அறக்கட்டளை செயலாளா் இரா. சுதாகா் முன்னிலை வகித்தாா்.

நாகை மாவட்ட ஆட்சியா் பிரவீன் பி.நாயா் பனை விதைகளை நட்டு திட்டத்தை தொடங்கி வைத்தாா். அப்போது அவா், ஒவ்வொரு வீட்டிலும் 2 மரக் கன்றுகள் நட முன்வரவேண்டும் எனக் கேட்டுக்கொண்டாா்.

நிகழ்ச்சியில் ஒன்றிய ஆணையா் கஜேந்திரன், நகராட்சி ஆணையா் தமிழ்செல்வி, பேரூராட்சி செயல் அலுவலா் கு.குகன், ரோட்டரி சங்கத் தலைவா் திருநாவுக்கரசு, செயலாளா் சண்முகம், டெம்பிள் டவுன் ரோட்டரி சங்கத் தலைவா் ரவிச்சந்திரன், லயன்ஸ் சங்கத் தலைவா் சோமு உள்ளிட்டோா் பங்கேற்றனா்.

தொடா்ந்து, அனைத்து ஊராட்சிகள், நகராட்சி, பேரூராட்சி பகுதிகளில் பனைவிதைகள் விதைக்கப்படவுள்ளன.