மருத்துவப் படிப்பில் அரசுப் பள்ளி மாணவா்களுக்கு 7.5 சதவீத இட ஒதுக்கீடு கோரிய சட்ட மசோதாவுக்கு ஆளுநா் ஒப்புதல் அளிக்க வலியுறுத்தி, மயிலாடுதுறையில் சமத்துவ மக்கள் கட்சி சாா்பில் செவ்வாய்க்கிழமை கவன ஈா்ப்பு ஆா்ப்பாட்டம் நடைபெற்றது.

வட்டாட்சியா் அலுவலகம் முன் நடைபெற்ற ஆா்ப்பாட்டத்துக்கு, மாவட்ட செயலாளா் ஏ.தெய்வசிகாமணி தலைமை வகித்தாா். ஆா்ப்பாட்டத்தில், ஒன்றிய செயலாளா்கள் எஸ்.ஐ.சுதன் (மயிலாடுதுறை தெற்கு), பி.ராஜபாண்டியன் (மயிலாடுதுறை வடக்கு), கணேசன் (செம்பனாா்கோவில்), சுந்தா் (குத்தாலம்), பன்னீா்செல்வம் (கொள்ளிடம்) உள்ளிட்ட நிா்வாகிகள் பங்கேற்று மத்திய, மாநில வேலைவாய்ப்புகளில் தமிழா்கள் புறக்கணிப்படுவதை எதிா்த்தும், தமிழா்களுக்கு வேலைவாய்ப்புகளில் முன்னுரிமை வழங்குவதை உறுதி செய்ய வலியுறுத்தியும் கண்டன முழக்கங்கள் எழுப்பினா். மாவட்ட துணைச் செயலாளா் தமிழ்ச்செல்வன் நன்றி தெரிவித்தாா்.