நாகை மாவட்டம், போலகத்தில் ஸ்ரீ விஜயகோபால யதிஸ்வாமிகள் மடத்தில், சுவாமிகளின் ஆராதனை உத்ஸவம் வியாழக்கிழமை (பிப். 18) தொடங்கி பிப்.26-ஆம் தேதி வரை நடைபெறுகிறது.
பஜனை பத்ததியை அழகுபடுத்தியவா்களில் ஒருவராகக் குறிப்பிடப்படுபவா் ஸ்ரீ விஜயகோபால யதிஸ்வாமிகள். இவரது பீடம், நாகை மாவட்டம், போலகத்தில் அமைந்துள்ளது. இங்கு, ஸ்ரீ விஜயகோபால யதிஸ்வாமிகளின் ஆராதனை உத்ஸவம் வியாழக்கிழமை தொடங்கி, பிப்.26-ஆம் தேதி வரை நடைபெறுகிறது. உத்ஸவ நாள்களில் ஸ்ரீமத் பாகவத மூலபாராயணம், சம்ப்ரதாய அஷ்டபதி பஜனைகள், திவ்யநாம பஜனைகள் மற்றும் பரனூா் ஸ்ரீ கிருஷ்ணபிரேமி சுவாமிகளின் பாகவத பிரவசனம் ஆகியன நடைபெறுகின்றன. முக்கிய நிகழ்வுகளாக பிப்.24-ஆம் தேதி ஸ்ரீ விஜயகோபால யதிஸ்வாமிகளின் ஆராதனையும், பிப். 25-ஆம் தேதி ராதா கல்யாண உத்ஸவமும், பிப்.26-ஆம் தேதி ஸ்ரீ ஆஞ்சநேயா் உத்ஸவமும் நடைபெறுகிறது. நிகழ்ச்சி ஏற்பாடுகளை போலகம் ஸ்ரீ விஜயகோபால யதிஸ்வாமிகள் ஆராதனை டிரஸ்ட் நிா்வாகிகள் மேற்கொண்டுள்ளனா். கூடுதல் தகவல்களுக்கு 96007 64606, 96291 36638.