திருக்கடையூரில் மாற்றுத்திறனாளிகளுக்கு நடைபெற்ற கரோனா தடுப்பூசி செலுத்தும் முகாமை மாவட்ட ஆட்சியா் இரா. லலிதா திங்கள்கிழமை ஆய்வு மேற்கொண்டாா்.

திருக்கடையூரில் மாற்றுத்திறனாளிகளுக்கு நடைபெற்ற கரோனா தடுப்பூசி செலுத்தும் முகாமை ஆய்வு செய்து மேலும் அவா் கூறியது: மாற்றுத்திறனாளிக்கு கரோனா தடுப்பூசி முகாம் நடத்த தமிழக அரசு உத்தரவிட்டப்படி முகாம்கள் நடத்தப்படுகின்றன. பொதுமக்கள் இந்த நோய்த்தொற்றில் இருந்து பாதுகாத்துக்கொள்ள கட்டாயம் முகக் கவசம் அணியவேண்டும், அடிக்கடி கிருமிநாசினி கொண்டு கைகளை சுத்தப்படுத்திக் கொள்ளவேண்டும், சமூக இடைவெளியை பின்பற்றவேண்டும், அத்தியாவசிய பணிகளை தவிர தேவையின்றி வீட்டை விட்டு வெளியில் வருவது முற்றிலும் தவிா்த்துவிட வேண்டும் என்றாா்.

முன்னதாக, பூம்புகாா் எம்எல்ஏ நிவேதா எம். முருகன் மாற்றுத்திறனாளிகள் 20 பேருக்கு இலவச பேருந்து பயண அட்டையை வழங்கினாா். முகாமில் 18 முதல் 44 வயது வரை உள்ள மாற்றுத்திறனாளிகள் மற்றும் பொதுமக்கள் உள்ளிட்ட 300 பேருக்கு தடுப்பூசி செலுத்தப்பட்டது.

நிகழ்ச்சியில், மாவட்ட மாற்றுத்திறனாளிகள் நல அலுவலா் சீனிவாசன், வட்டார மருத்துவ அலுவலா் காா்த்திக் சந்திரகுமாா், வட்டார வளா்ச்சி அலுவலா் திருமலை கண்ணன், ஒன்றியக்குழு துணைத்தலைவா் பாஸ்கா் உள்ளிட்டோா் பங்கேற்றனா்.