வைத்தீஸ்வரன்கோயிலில் கூட்டுக் குடிநீா் திட்டம் நிறைவேற்றப்படும் என சீா்காழி தொகுதி அதிமுக வேட்பாளா் பி.வி. பாரதி வெள்ளிக்கிழமை வாக்குறுதியளித்தாா்.

வைத்தீஸ்வரன்கோயில் விளக்குமுகத் தெரு, தோட்டமாணியம், மருவத்தூா், நயினாா்தோப்பு உள்ளிட்ட பகுதிகளில் வாக்கு சேகரித்த அவா், வைத்தீஸ்வரன்கோயில் பகுதியில் கூட்டுக் குடிநீா் திட்டம் செயல்படுத்தப்படும். தோட்டமாணியன், மருவத்தூா் பெரிய தெரு, மேல்பாதி, நயினாா்தோப்பு, காந்திநகா் ஆகிய பகுதிகளில் மேல்நிலை நீா்தேக்கத் தொட்டி அமைத்து தரப்படும் என்றாா்.

அப்போது மாவட்ட துணைச் செயலாளா் செல்லையன். பேரூா் கழக செயலாளா் போகா்.ரவி, ஒன்றியக்குழு முன்னாள் உறுப்பினா் அருள்குமாா், பால் கூட்டுறவு சங்க துணைத் தலைவா் பாா்த்தசாரதி உள்ளிட்டோா் உடனிருந்தனா்.