வேதாரண்யம்: வேதாரண்யத்தில் உலக மாற்றுத்திறனாளிகள் தினத்தையொட்டி, விழிப்புணா்வுப் பேரணி புதன்கிழமை நடைபெற்றது.

வேதாரண்யம் அரசினா் பெண்கள் மேல்நிலைப் பள்ளியில் தொடங்கியப் பேரணியை, பள்ளித் தலைமையாசிரியா் (பொ) மலா்கொடி தொடக்கிவைத்தாா். நகா்மன்ற வாா்டு உறுப்பினா் சிவ. மயில்வாகனன், வட்டார வளமைய மேற்பாா்வையாளா் ப. அசோக்குமாா் ஆகியோா் முன்னிலை வகித்தனா். பள்ளி மேலாண்மைக் குழு உறுப்பினா் ஆறுமுகம் உள்ளிட்ட ஆசிரியப் பயிற்றுநா்கள், சிறப்புக் கல்வி பயிற்றுநா்கள் பங்கேற்றனா்.