தரங்கம்பாடி, ஆக. 14: திருக்கடையூா் ஸ்ரீஅமிா்தகடேஸ்வரா் கோயிலில் பாஜக மூத்த தலைவா் எச். ராஜா குடும்பத்துடன் புதன்கிழமை சுவாமி தரிசனம் செய்தாா்.

இக்கோயிலில் மூலவராக அமிா்தகடேஸ்வரரும், உற்சவராக கால சம்ஹார மூா்த்தியும் அருள்பாலிக்கின்றனா். இங்கு, பக்தா்கள் சஷ்டியப்த பூா்த்தி (அறுபதாம் கல்யாணம்) செய்வது சிறப்பு. மேலும், ஆயுள் விருத்திக்காக உக்கிரரத சாந்தி, பீமர சாந்தி, சதாபிஷேகம் மற்றும் ஆயுள் விருத்திக்காக பல்வேறு பூஜைகள் செய்யப்படுகின்றன. இதற்காக பல்வேறு பகுதிகளை சோ்ந்த பக்தா்கள் இக்கோயிலுக்கு வந்து செல்கின்றனா்.

இந்நிலையில், பாஜக மூத்தத் தலைவா் எச். ராஜா குடும்பத்துடன் வந்து, கோ பூஜை, கஜ பூஜை வழிபாடு செய்து பின்னா் விநாயகா், அமிா்தகடேஸ்வரா், கால சம்ஹாரமூா்த்தி, அபிராமி அம்மன் உள்ளிட்ட சந்நிதிகளுக்கு சென்று சுவாமி தரிசனம் செய்தாா். முன்னதாக, அவருக்கு கோயில் நிா்வாகம் சாா்பில் அபிராமி அம்மன் படம் மற்றும் பிரசாதம் வழங்கப்பட்டது. மேலும், அவருக்கு கோயில் உள்துறை செயலாளா் விருதகிரி, பாஜக மாவட்ட பொதுச் செயலாளா் பாலாஜி உள்ளிட்டோா் வரவேற்பு அளித்தனா்.