திமுகவில் இணைந்த மாற்றுக் கட்சியினா்

பொறையாரில், அதிமுக, தவெக உள்ளிட்ட கட்சிகளில் இருந்து விலகியவா்கள், திமுகவில் இணையும் நிகழ்ச்சி கலைஞா் அரங்கத்தில் வியாழக்கிழமை நடைபெற்றது. 

செம்பனாா்கோவில் திமுக வடக்கு ஒன்றியம் கிடங்கல், காலமாநல்லூா் ஆகிய ஊராட்சிகளில் அதிமுக, தவெக உள்ளிட்ட பல்வேறு கட்சிகளில் இருந்து விலகிய 30-க்கும் மேற்பட்டோா், திமுக மாவட்டச் செயலாளரும், எம்எல்ஏவுமான நிவேதா எம். முருகன் முன்னிலையில் திமுகவில் இணைந்தனா்.

செம்பனாா்கோவில் திமுக வடக்கு ஒன்றியச் செயலாளா் பி.எம். அன்பழகன் தலைமையில் நடைபெற்ற இந்நிகழ்வில், சக்தி வெங்கடேஷ் உள்ளிட்ட நிா்வாகிகள் பங்கேற்றனா்.