சூரிய நமஸ்கார போட்டி: பேரளம் பள்ளி மாணவருக்குப் பாராட்டு

புதுச்சேரியில் நடைபெற்ற சூரிய நமஸ்கார சாம்பியன்ஷிப் போட்டியில் முதலிடம் பிடித்த பேரளம் ஸ்ரீ சங்கரா பள்ளி மாணவருக்குப் பாராட்டு தெரிவிக்கப்பட்டது.
திருவாரூர் மாவட்டம், பேரளத்தில் அமைந்துள்ள ஸ்ரீ சங்கரா மெட்ரிக் மேல்நிலைப்பள்ளியில் 8-ஆம் வகுப்பு படித்து வரும் டி. குருபிரசாத், அண்மையில் புதுச்சேரியில் உள்ள தமிழ்ச்சங்கத்தில் நடைபெற்ற தேசிய அளவிலான சூரிய நமஸ்கார சாம்பியன்ஷிப் போட்டியில் பங்கேற்றார். 30-க்கும் மேற்பட்ட பள்ளிகள் பங்கேற்ற அந்தப் போட்டியில், குருபிரசாத் முதலிடம் பிடித்தார்.
இதைத்தொடர்ந்து, புதுச்சேரி முன்னாள் முதல்வர் என். ரங்கசாமி, மாணவருக்குப் பரிசு வழங்கி பாராட்டினார். 
மாணவர் குரு பிரசாத்தை ஸ்ரீ சங்கரா பள்ளியின் தாளாளர் ஜி. வெற்றிச்செல்வம், இயக்குநர் ஏ. சுகுமார் ஆகியோர் வாழ்த்தினர்.