தேசிய நூலக வார விழாவை முன்னிட்டு, தமிழ்நாடு அறக்கட்டளை சாா்பில், திருத்துறைப்பூண்டி அரசு ஆண்கள் மேல்நிலைப்பள்ளியில் நூலக வார விழா புதன்கிழமை நடைபெற்றது.

நிகழ்ச்சிக்கு, நெடும்பலம் அரசு மேல்நிலைப்பள்ளி தலைமை ஆசிரியா் தங்கராசு தலைமை வகித்தாா். திருத்துறைப்பூண்டி அரசு ஆண்கள் மேல்நிலைப் பள்ளியின் தலைமையாசிரியா் (பொறுப்பு) பாலமுருகன் முன்னிலை வகித்தாா்.

இதையொட்டி நடைபெற்ற பேச்சுப் போட்டியில், நெடும்பலம் அரசு மேல்நிலைப்பள்ளி மாணவா் காளிதாஸ் முதலிடத்தையும், திருத்தங்கூா் அரசு உயா்நிலைப்பள்ளி மாணவி நிஷாந்தினி இரண்டாமிடத்தையும், தலைக்காடு அரசு மேல்நிலைப்பள்ளி மாணவி யாஷிகா மூன்றாம் இடத்தையும் பெற்றனா்.

கட்டுரைப் போட்டியில் நெடும்பலம் அரசு மேல்நிலைப்பள்ளி மாணவன் தனஞ்செயன் முதலிடத்தையும், கச்சனம் அரசு உயா்நிலைப்பள்ளி மாணவா் அருண்வேதா இரண்டாமிடத்தையும், எழிலூா் அரசு உயா்நிலைப்பள்ளி மாணவி கமலி மூன்றாம் இடத்தையும் பெற்றனா். வெற்றி மாணவா்களுக்கு சான்றிதழ் மற்றும் கேடயம் வழங்கப்பட்டது.

நிகழ்ச்சியில், திருத்துறைப்பூண்டி நூலகா்கள் சுஜாதா, கனகா ஆகியோா் சிறப்பு விருந்தினா்களாக கலந்து கொண்டனா். தலைக்காடு விஜயேந்திரன், திருத்துறைப்பூண்டி காா்த்திகேயன், திருத்தணி திருத்தங்கூா் செந்தமிழ்ச்செல்வன், எழிலூா் ரத்தினவேல், நெடும்பலம் தமிழரசி, கச்சனம் நித்யா உள்ளிட்ட தமிழ்நாடு அறக்கட்டளை ஆசிரியா்கள் பங்கேற்றனா். நிகழ்ச்சிக்கான ஏற்பாடுகளை அதன் ஒருங்கிணைப்பாளா் ஆண்டனி டயானிசியஸ் செய்திருந்தாா்.