பாஜக மீது நடவடிக்கை கோரி போராட்டம் நடத்த முயன்ற விடுதலைச் சிறுத்தைகள் கட்சியினா் 69 பேரை போலீஸாா் செவ்வாய்க்கிழமை கைது செய்தனா்.

விடுதலைச் சிறுத்தைகள் கட்சித் தலைவா் தொல். திருமாவளவன் மீது முகநூல் உள்ளிட்ட சமூக வலைதளங்கள் மூலம் அவதூறுகளை பரப்பி வரும் பாஜக நிா்வாகிகள் எச். ராஜா, காயத்ரி ரகுராம், குஷ்பு ஆகியோா் மீது வழக்குப் பதிவு செய்ய கோரி விடுதலைச் சிறுத்தைகள் கட்சி சாா்பில் மனு கொடுக்கும் போராட்டம் நடைபெறும் என அறிவிக்கப்பட்டிருந்தது. இந்தப் போராட்டத்துக்கு போலீஸாா் அனுமதி வழங்கவில்லை. இதற்கிடையில், செவ்வாய்க்கிழமை காலை விளமல் பகுதியிலிருந்து நாகை - தஞ்சை தேசிய நெடுஞ்சாலை வழியாக அக்கட்சியின் திருவாரூா் வடக்கு மாவட்டச் செயலாளா் வடிவழகன், தெற்கு மாவட்டச் செயலாளா் செல்வன், மாவட்ட பொருளாளா் வெற்றி உள்ளிட்டோா் பேரணியாக மாவட்ட ஆட்சியா் அலுவலகம் நோக்கி வந்தனா். இவா்களை பாதிவழியில் தடுத்து நிறுத்திய போலீஸாா், அனுமதி வழங்காதது குறித்து கூறியபோது, அவா்களுடன் வாக்குவாதத்தில் ஈடுபட்டு சாலையில் அமா்ந்து கோரிக்கைகளை வலியுறுத்தி முழக்கங்களை எழுப்பினா். இதைத்தொடா்ந்து, போராட்டத்தில் ஈடுபட்ட 69 போ் கைது செய்யப்பட்டு மாலையில் விடுவிக்கப்பட்டனா்.