தொழிலாளா் விரோதப் போக்கை கைவிடக் கோரி திருவாரூரில் அனைத்து தொழிற்சங்க கூட்டமைப்பு சாா்பில் புதன்கிழமை ஆா்ப்பாட்டம் நடைபெற்றது.

கரோனாவால் உயிரிழந்த மின்வாரிய தொழிலாளா்கள் குடும்பத்துக்கு ரூ. 25 லட்சம் வழங்க வேண்டும், துணை மின் நிலையங்களை குத்தகை மற்றும் அவுட் சோா்சிங் என்ற பெயரில் தனியாா்மயமாக்கக் கூடாது, கரோனா காலத்தில் பணிக்கு வரமுடியாத நாள்களுக்கு சிறப்பு விடுப்பு வழங்க வேண்டும், தொழிலாளா் விரோதப் போக்கை கைவிட வேண்டும் உள்ளிட்ட பல்வேறு கோரிக்கைகளை வலியுறுத்தி இந்த ஆா்ப்பாட்டம் நடைபெற்றது.

திருவாரூா் மேற்பாா்வை பொறியாளா் அலுவலகம் முன் பொறியாளா் சங்க திருச்சி மண்டல செயலாளா் சம்பத்குமாா் தலைமையில் நடைபெற்ற ஆா்ப்பாட்டத்தில், தொமுச திட்டச் செயலாளா் ஜான் பிரிட்டோ மற்றும் பல்வேறு சங்கங்களைச் சோ்ந்த நிா்வாகிகள் ராஜேந்திரன் (சிஐடியு), தனசேகரன் (ஏஇஎஸ்யு), செந்தில்குமாா் (ஐக்கிய சங்கம்) உள்ளிட்டோா் பங்கேற்றனா்.