மன்னாா்குடியில் உயிரிழந்த சுமைதூக்கும் தொழிலாளா்கள் குடும்பத்துக்கு நிதியுதவி செவ்வாய்க்கிழமை வழங்கப்பட்டது.

தமிழ்நாடு நுகா்பொருள் வாணிபக் கழகத்தில் சுமைதூக்கும் பணியில் ஈடுபட்டு, உயிரிழந்தவா்களின் குடும்பத்துக்கு ஏஐடியூசி -டின்சிஎஸ்சி சுமைதூக்கும் தொழிலாளா் சங்கம் சாா்பில் பல்வேறு நலத்திட்ட உதவிகள் வழங்கப்படுகின்றன. அந்தவகையில், கரோனா தொற்று காலத்தில் உயிரிழந்த சுமைப்பணி தொழிலாளா்கள் குடும்பங்களுக்கு நிதி உதவி வழங்கப்பட்டன.

நிகழ்ச்சிக்கு, அமைப்பின் மாநில பொதுச் செயலா் என். புண்ணீஸ்வரன் தலைமை வகித்தாா். இந்திய கம்யூனிஸ்ட் கட்சியின் மாநில நிா்வாகக் குழு உறுப்பினா் வை. செல்வராஜ் உயிரிழந்த 15 பேரின் குடும்பத்துக்கு தலா ரூ.10,000-க்கான காசோலையை வழங்கினாா்.

இதில், ஏஐடியூசி மாநிலத் தலைவா் சி. சந்திரக்குமாா், மாவட்டச் செயலா் ஆா். சந்திரசேகரஆசாத், இளைஞா் மன்ற மாவட்டச் செயலா் துரை.அருள்ராஜன், ஒன்றியச் செயலா் எஸ். பாப்பையன் உள்ளிட்டோா் கலந்துகொண்டனா்.